Amacebiso okuphepha ukurhoxa okunokuphepheka

Xa undwendwe lubhukishe uhambo, lufuna nje ukucinga ngokufaka iinyawo zalo esantini okanye ukubuka isixeko esitsha, ngoko ukurhoxa kunokulukhathaza kakhulu. Ukurhoxa kuphelisa ukuthembana phakathi Kwababuki Zindwendwe neendwendwe ibe kunokukhokelela kwimali emele ibhatalwe nezohlwayo.

Ababuki Zindwendwe benza umsebenzi omhle kakhulu wokubuka iindwendwe ezibhukishileyo nokwenza konke okusemandleni abo ukuze bancede iindwendwe suku ngalunye. Nanga amanye amacebiso okukunceda uphephe ukurhoxa okunokuphepheka.

UOmar, iSuperhost yaseMexico City, ucebisa ukuba ulandele izinto ezenzekayo kuhambo nokuceba kwangaphambili. Uthi: “Waqonde kakuhle amaxesha ohambo kwingingqi yakho—ixesha ekuhanjwa kakhulu ngalo, elixakekileyo nelingaxakekanga—ukuze ukwazi ukucwangcisa ixesha ofumaneka ngalo kwikhalenda yakho xa kuza kuhlalwa ixesha elifutshane, elidana okanye elide kakhulu.”

• Vala iintsuku ezithile xa uyazi ukuba awuzukwazi ukwamkela iindwendwe.
• Gqiba ngenani leentsuku ezingenakubhukishwa ozifunayo kwiindwendwe.
• Ceba ikhalenda yakho ukuya kutsho kwiminyaka emibini kwangaphambili.
• Mane uyihlola ikhalenda yakho uze uyilungise xa kufuneka.

Ukuvel 'Ubhukishe yindlela entle yokonga ixesha nokuphepha ukwenza umsebenzi omninzi, logama nje ikhalenda neesetingi zakho zilungiswa qho.

• Cinga ngokudibanisa ikhalenda yakho ka-Airbnb nekhalenda yakho eyintloko oyisebenzisayo (njengekaCal okanye ekaGoogle).
• Gcina ikhalenda yakho isexesheni ukuze usebenzise Ukuvel' Ubhukishe ngokuphumelelayo.
• Ukuba ikhalenda yakho ayilungisiswanga, usenokubhukishwa kabini okanye ubhukishwe ngosuku ongazukwazi ngalo ukubuka iindwendwe, nto leyo enokuphumela ekubhataleni imali yokurhoxisa.

Ukwenza indlela yokubeka ixabiso kukunceda ukwazi ukutsala iindwendwe uze kwangaxeshanye waneliseke yingeniso oyenzayo.

• Beka ixabiso elikhethekileyo leentsuku, iiveki neenyanga ezithile.
• Phanda ngexabiso losuku leendawo ezifana neyakho kwingingqi yakho.
• Ukuze ungabe uqikelela, vula Indlela Ephucukileyo Yokubeka Ixabiso.

Ukuqhubeka uncokola neendwendwe kubalulekile ibe indawo yethu yokuthumela imiyalezo ikunceda ukwazi ukuyenza loo nto.

• Ukuba ufuna ukwazi okungakumbi ngomntu osenokuba lundwendwe, funda izimvo zakhe.
• Ungathumela iimpendulo ezikhawulezileyo ezifanayo kubo bonke abantu abanokuba zindwendwe ukuze ubazi uze uncokole uze ufumane inkcazelo engakumbi.
• Vula amathuba okungakhethi ngokubuza iindwendwe zakho, Udinga ntoni ukuze wonwabe uze uzive wamkelekile kwindawo yam? 
• Vuma ukuvala iintsuku okwexeshana uze ukhuthaze iindwendwe eziqhakamshelana nawe ngaphambi kokubhukisha. Sifunde ukuba iindwendwe ngamanye amaxesha ziqhakamshelana Nombuki Zindwendwe ngaphambi kokubhukisha ukuze zijonge ukuba ziza kwamkeleka na.

Eyona nto ibalulekileyo, ungayilibali ipolisi yethu yokungacaluli. Ngokubuka iindwendwe kuAirbnb, uyavuma ukuphatha zonke iindwendwe kakuhle ngokungakhethi nembeko.

Fumana inkcazelo engakumbi ngokurhoxa Kombuki Zindwendwe