Indlela Ababuki Zindwendwe abanokuzuza ngayo kwizinto eziphuculiweyo zeendwendwe ezifuna ukuhlala ixesha elingangenyanga

Abahambi emhlabeni wonke basebenzisa uAirbnb ukuze bathathe uhambo lwexesha elide. Phantse usuku olunye kwezintlanu ezibhukishwayo ziyinxalenye yokubhukisha kweentsuku eziyi-28 nangaphezulu.* Izinto zakutshanje zenza kube lula ukuba iindwendwe zifumane zize zibhukishe indawo yokuhlala iintsuku ezingangenyanga.

Izinto eziphuculiweyo, ezaziswe njengenxalenye Yezintsha NgoMeyi Zakwa-Airbnb 2023, ziquka:

• Ukukhangela okuphuculiweyo kwenyanga. Ithebhu yenyanga yenza kube lula ukukhangela izindlu ezifumanekayo ukuze kuhlalwe ixesha elide. Iindwendwe zingalungisa usuku lwazo lokuqalisa, emva koko zikhethe inani leentsuku zohambo lwazo efowunini, ukususela kwinyanga enye ukuya kweziyi-12.
• Izinto eziphambili kwindlu xa kukhangelwa. Izinto ezibalulekileyo ezinokusetyenziswa ezifana ne-wifi ekhawulezayo, indawo ekhethekileyo yokusebenzela, itshaja yemoto yombane nezinto ezilungele abantwana (iibhedi zosana, izitulo eziphakamileyo, izinto zokudlala, njl.) zivela ngezantsi kwesihloko sendlu yakho kwiziphumo zokukhangela.
• Imali oyibhatalela ukusebenzisa uAirbnb ethotyiweyo. Siyayinciphisa imali undwendwe oluyibhatalela ukusebenzisa uAirbnb kwezo zibhukisha uhambo lwexesha elide, ukuqala kwinyanga yesine luhleli kwindawo ethile.
• Imali ebhatalwayo ngenyanga. U ndwendwe lubhatalela iintsuku zokuqala eziyi-30 xa luza kuhlala ixesha elide xa lubhukisha ize imali eshiyekileyo ibhatalwe ngezavenge zenyanga. Xa lubhatala, lufumana ucwangciso olubonisa iintsuku zokubhatala ngezavenge nemali ekufuneka ibhatelwe, ukuze lulungiselele iindleko zalo zohambo.
• Izaphulelo xa kubhatalwa ngebhanki. Abantu abahlala eMerika banokufumana isaphulelo sokuhlala iintsuku eziyi-28 okanye ezingakumbi emhlabeni wonke xa bebhatala ngeakhawunti yebhanki yaseMerika elinkiweyo. Ukubhukisha kufuneka kugqitywe ubuncinane kwiintsuku ezisixhenxe ngaphambi kukuba kubhaliswe xa kufikwa.     

Ezi zinto zintsha aziyichaphazeli ingeniso Yombuki Zindwendwe okanye azilutshintshi ucwangciso lokubhatalwa xa kuza kuhlalwa ixesha elide.

Ungazikhuthaza iindwendwe ukuba zibhukishe ngokubeka isaphulelo senyanga nangokulungisa indlu yakho ukuze iquke zonke izinto zakho ezinokusetyenziswa ezikhoyo ngoku. Izinto ezinokusetyenziswa ezithandwayo xa kuza kuhlalwa ixesha elide ziyabalaseliswa ngokuzenzekelayo phezulu kumaphepha ezindlu.

Ngokomzekelo, undwendwe olukhangela indawo yokuhlala iinyanga ezintathu Kwingingqi yaseSan Francisco Bay lunokufumana indlu enale nkcazelo eboniswe ngokugqamileyo:

• Bhatala ngenyanga. Uza kubhatala ngezavenge zenyanga.
• Ilungele ukuba kusetyenzelwe ekhaya. Iwifi enesantya esikhawulezayo esingu-350 Mbps, nendawo eyenzelwe ukuba kusetyenzelwe kuyo.
• Izinto ezinokusetyenziswa zemihla ngemihla. Umbuki Zindwendwe uyenze le ndawo yakufanelekela ukuba kuhlalwe ixesha elide kuyo—ikhitshi, umatshini wokuhlamba iimpahla, umatshini wokomisa iimpahla nokupaka simahla kuqukiwe.

Ukuba Ungumbuki Zindwendwe omtsha ongathanda ukuncedwa ubuqu xa kuza kuhlalwa ixesha elide, cofa apha ibe siza kukudibanisa Nonozakuzaku oyiSuperhost ukuze uncedwe. 

*Ngokusekelwe kwinkcazelo ka-Airbnb yasemhlabeni wonke, i- 21% yeentsuku ebezibhukishwe ngo-2022 ne-18% yeentsuku ebezibhukishwe kwiinyanga ezintathu zokuqala ku-2023 ibikukubhukishwa kweentsuku eziyi-28 nangaphezulu.

Inkcazelo ekweli nqaku isenokuba itshintshile emva kokuba lipapashiwe.