Indlela ekusebenza ngayo ukukhangela kuAirbnb

Uyenzile waza wayipapasha into enokubhukishwa yakho, ngoku ufuna abantu bayibuke. Bangayifumana njani? Nazi izinto ezimbalwa onokuzenza ukuze uphucule indawo ovela kuyo xa kukhangelwa.

Isixhobo sokukhangela sika-Airbnb sisebenzisa izinto ezininzi ukuze sigqibe ngokulandelelana kwezinto ezinokubhukishwa ezibonakala kwiziphumo zokukhangela. Izinto ezijongwayo azisetyenziswa ngokulinganayo. Ixabiso, umgangatho nokuthandwa kwento enokubhukishwa kuchaphazela kakhulu indlela into enokubhukishwa evela ngayo.

Le algorithm ijonga kuqala ixabiso elipheleleyo lento enokubhukishwa ngaphambi kweerhafu (kuquka iimali ezimele zibhatalwe nezaphulelo), nomgangatho wento enokubhukishwa, xa kuthelekiswa nezinto ezinokubhukishwa ezifana nayo kule ndawo. Iifoto zento enokubhukishwa, izimvo zeendwendwe nezinye izinto zinokukunceda ubone umgangatho wayo.

Ukubeka ixabiso elikhuphisana kakuhle namanye nokugcina umgangatho ophezulu kunokunceda uphucule indawo ovela kuyo, kuba izinto ezinokubhukishwa ezilifaneleyo ixabiso lazo nakweyiphi na ingingqi zidla ngokuhamba phambili kwiziphumo zokukhangela.

I-algorithm ka-Airbnb ihlola ukuthandwa kwento yakho enokubhukishwa isebenzisa iinkcukacha ezininzi. Oku kuquka ukuba iindwendwe ziyibhukishe kangaphi into yakho enokubhukishwa, ziye kangaphi kwiphepha lento yakho enokubhukishwa, ibe ziyifake kangaphi into yakho enokubhukishwa kwezizibawelayo.

Izinto ezinokubhukishwa ezithandwayo zidla ngokuhamba phambili kwiziphumo zokukhangela. Ukuze wenze iindwendwe zibe nomdla, sicebisa ukuba wenze ezi zinto:

• Faka izinto ezinokusetyenziswa ezifunwa zindwendwe, njengewifi ekhawulezayo, ukwazi ukuzingenela, nendawo yokupaka yasimahla.
• Cacisa izinto ezikhethekileyo ngendawo yakho ngokweenkcukacha ezithile ezichazela iindwendwe eyona nto zinokuyilindela.
• Faka iifoto ezikumgangatho ophezulu ezenza abantu bafune ukuza. Iifoto ezikumgangatho ophezulu zinokuphucula ukugqwesa kwakho kudidi oluthile.

Isixhobo sika-Airbnb sijonga ukuba ifumaneka nini into yakho enokubhukishwa, ixesha ophendula ngalo imibuzo nokuba ukwamkela kangakanani ukubhukishwa. Xa zisanda iintsuku ezifumanekayo kwikhalenda yakho, ayanda namathuba okuba into yakho enokubhukishwa iza kuzifikelela izinto ezifunwa zindwendwe ize ivele kwiziphumo zazo zokukhangela.

Izinto onokuzenza ukuze uphucule indawo evela kuyo into yakho enokubhukishwa xa kukhangelwa:

• Phendula izicelo zokubhukisha zingekapheli iiyure eziyi-24. Kuphephe ukungazamkeli izicelo zokubhukisha amaxesha amaninzi.
• Sebenzisa Uvel'ubhukishe, ukuze iindwendwe zikwazi ukufumana into yakho enokubhukishwa xa zihluza iziphumo zokukhangela zaloo ndlela. Le nto ivumela iindwendwe ukuba zivele zibhukishe indawo yakho (ngaphandle kokuba kufuneke wamkele izicelo zazo), ikhawulezisa ixesha lakho lokuphendula.
• Nciphisa inani lemiqathango, efana neentsuku ezimbalwa okanye ezininzi ezinokuhlalwa ozifakayo xa kubhukishwa.

Ukukwazi kwakho ukubeka izinto emazilindelwe zindwendwe kwingcaciso yento enokubhukishwa yakho, uze uzifikelele okanye wenze ngaphaya kobekulindelwe kuwe njengoMbuki Zindwendwe, kudla ngokuphucula indawo ovela kuyo kwiziphumo zokukhangela ekuhambeni kwexesha.

Ukunikezela ngeenkcukacha ezichanileyo ngendawo yakho nokunxibelelana ngokucacileyo neendwendwe kunokukhokelela kwimilinganiselo ephezulu nakwizimvo zazo ngokuhlala kwazo kwindawo yakho. Inokukunceda uphephe izikhalazo ngeenkonzo zabathengi, ezinokuchaphazela kakubi indawo evela kuyo into enokubhukishwa yakho.

Le algorithm ikwajonga enoba uyiSuperhost na—igama esilisebenzisayo lokuba nguMbuki Zindwendwe onomlinganiselo ophezulu, uMbuki Zindwendwe onamava—okanye ukuba uyazifikelela ezinye okanye zonke izinto ezifunekayo ukuze ube yiyo. Izinto ezifunekayo ziquka izinto ezifana nokuphendula ngokukhawuleza imibuzo yokubhukisha yeendwendwe nokugcina ukurhoxiswa (okwenziwe nguwe) kumbalwa.

Iindwendwe zingakwazi ukuhluza iziphumo xa zikhangela ukuze zifumane izinto ezinokubhukishwa zeeSuperhost kuphela.

Fumana okungakumbi kwisikhokelo sethu sokufaka into enokubhukishwa ephumelelayo

Inkcazelo ekweli nqaku isenokuba itshintshile emva kokuba lipapashiwe.