Fumana uluvo lweenkwenkwezi eziyi-5

Imilinganiselo nezimvo ziyafakwa kwinto yakho enokubhukishwa ibe zinceda iindwendwe zigqibe ekubeni inkonzo yakho izilungele na. Izimvo ezintle zeendwendwe zikunceda uzenzele igama elihle kuAirbnb ibe zingakhokelela kwizicelo zokubhukisha ezingakumbi nakwingeniso engakumbi.

Iindwendwe zicelwa ukuba zibhale uluvo ngokukhawuleza emva kokuba inkonzo igqityiwe. Izimvo zabo zikunceda ukuba unikezele ngeyona nkonzo isemgangathweni. Bayacelwa ukuba banikezele ngezi zinto:

• Umlinganiselo xa uwonke. Iindwendwe zinika umlinganiselo wenkonzo yakho osuka kwinkwenkwezi eyi-1 ukuya kweziyi-5. Umyinge womlinganiselo wakho xa uwonke uvezwa kwinto yakho enokubhukishwa, kwiziphumo zokukhangela, nakwiprofayile yakho.
• Imilinganiselo eneenkcukacha. Iindwendwe zichaza ngakumbi ukuba bekunjani ngokubeka umlinganiselo wendlela iindwendwe ezibukwe ngayo, ukuthembeka, nokufaneleka kwexabiso. Ukuba unikezela ngenkonzo kwishishini lakho okanye kwindawo kawonke-wonke, njengokwenza iinwele kwi-salon yakho okanye kwiseshoni ye-yoga elunxwemeni, baza kucelwa nokuba babhale umlinganiselo wendawo ekuyo.
• Uluvo olubonwa ngumntu wonke. Le nto ivela kwiprofayile yakho nakwicandelo lezimvo kwinto yakho enokubhukishwa. Ukuba uphendula uluvo olubonwa ngumntu wonke, impendulo yakho iza kuvela ezantsi kwalo.
• Umyalezo oyimfihlo. Le ngxelo yokuba bekunjani ayiveli kwinto yakho enokubhukishwa—yenzelwe wena kuphela.

Emva kokuba ufumene izimvo zakho eziyi-3 zokuqala, uza kufumana inkcazelo engakumbi ngezimvo zeendwendwe. Sebenzisa imenyu ukuze ufumane icandelo lenkcazelo engakumbi kwi-app ka-Airbnb.

Izixhobo zika-Airbnb zokubuka iindwendwe zinokukunceda ugqithise kwinto elindelwe lundwendwe.

Nikezela ngenkonzo entle. Cinga ngendlela yokwenza izinto onikezela ngazo zilungele wena ukuze iindwendwe zizive zikhathalelwe kwaye zamkelekile.

• Nxibelelana neendwendwe kwithebhu Yemiyalezo ukuze ubuze izinto ezithandwa lundwendwe, uphendule imibuzo, uze wenze izinto onikezela ngazo ezikhethekileyo.
• Sebenzisa iimpendulo ezikhawulezayo ukuze ulungiselele uze uthumele umyalezo wokwamkela iindwendwe emva kokubhukisha nomyalezo wokulandelela emva kwenkonzo.
• Quka izinto ezingakumbi ezenza into yakho onikezela ngayo ikhetheke ngakumbi.

Qinisekisa ukuba yonke into ihamba kakuhle. Bonisa ukuba unokuthenjwa ngokulungiselela, ukucacisa izinto ezinokulindelwa, nokuphendula ngokukhawuleza imiyalezo yeendwendwe ngaphambi nasemva kwenkonzo nganye.

• Lungiselela naziphi na izinto eziza kufuneka kwangethuba ibe ukuba uza kuya kundwendwe, cinga ngendlela eza kwenza ufike ngokukhawuleza. Sebenzisa ikhalenda yakho yakwa-Airbnb ukuze ucwangcise ixesha phakathi kokufumana izicelo zokubhukishela uhambo nokulungiselela.
• Cwangcisa imiyalezo eza kuthunyelwa ngamaxesha athile, njengosuku olungaphambi kwenkonzo, ukuze undwendwe lwakho luyazi into elunokuyilindela.
• Vula imiyalezo kwi-app ka-Airbnb nakwiisetingi zesixhobo sakho ukuze uyifumane ngokukhawuleza imiyalezo.
• Ukuba unikezela ngenkonzo kwindawo yomnye umntu, yishiye le ndawo ngendlela oyifumene iyiyo.

Nikezela ngento elifaneleyo ixabiso layo. Ixabiso elikhuphisana kakuhle namanye yinto ebalulekileyo xa kuziwa kwixabiso. Ungabeka amaxabiso akho okanye ufake izaphulelo kwithebhu ethi Izinto ezonokubhukishwa.

• Faka ubuncinane izinto onikezela ngazo eziyi-3 ngamaxabiso ahlukeneyo ukuze iindwendwe zibe nezinto ezingakumbi ezinokukhetha kuzo uze uncedakale ufikelele ingeniso ozimisele ukuyifumana. Eyona nto ifanelekileyo kukubeka ixabiso laxa kusaqalwa, eliqhelekileyo, neliphezulu lezinto onikezela ngazo.
• Cinga ngokuqala ngexabiso eliphantsi kancinci uze uphinde ulitshintshe emva kokuba uzakhele igama kwa-Airbnb ngemilinganiselo nezimvo ezintle.
• Faka izaphulelo zexesha elilinganiselweyo, zababhukishe kwangethuba, neseqela elikhulu ukuze utsale iindwendwe.
• Buka uAirbnb nezinye iiwebhusayithi zeenkonzo ezifana neyakho ukuze uthelekise amaxabiso asekuhlaleni ukuze akhuphisane kakuhle nawo.

Ukongezelela kula macebiso okubuka iindwendwe, ungayilibali Imithetho Ebekiweyo Yombuki Zindwendwe Neepolisi Zokubuka Iindwendwe Ngokukhuselekileyo zika-Airbnb. Zichaza izinto ezisisiseko ezilindelekileyo ukuze unikezele ngeenkonzo ngokukhuselekileyo, nezikumgangatho ophezulu.

Bonke ababuki zindwendwe, iifoto neenkcukacha zento enokubhukishwa kufuneka zifikelele imigangatho nezinto ezifunekayo Kwinkonzo zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.