Iqumrhu Labacebisi Lababuki Zindwendwe

EMerika
Ndaqala ukubuka iindwendwe ngo-2018

Ndaqala ukubuka iindwendwe xa ndavulela iindwendwe ezazityelele eColorado indawo yam. Enye yezinto endizithanda kakhulu ngokubuka iindwendwe kukuba ndiye ndifake isandla “kumava” ohambo londwendwe ngalunye. Ndincedisa ekudibaniseni iintsapho nabahlobo nasekuxhaseni amava ezenzeka kanye ebomini. Ndinebhongo lokuba yinkokeli yentsapho yaseDenver ukususela ngo-2022.

EJamani
Ndaqala ukubuka iindwendwe ngo-2021

Ekubeni indlu yam ka-Airbnb kwisiqithi saseJamani iRügen ikwiikhilomitha eziyi-400 ukusuka kwidolophu yasekhaya iBrandenburg an der Havel, ndiyakuthanda ukusebenzela ekwenzeni iindwendwe zibe nexesha elimnandi nangona ndingekho ubuqu.  Kum, ukunxibelelana neendwendwe zam ayikokugqithisa usana kunina.

EMerika
Ndaqala ukubuka iindwendwe ngo-2018

Ndaqala ukubuka iindwendwe kwa-Airbnb eKhalifoniya ndisebenzela ukuba yiSuperhost nokutshintsha indlela abajongwa ngayo abantu abakwishishini lokubuka iindwendwe abakwiindawo ezingahoywayo. Ndiyakuthanda ukwenza iindawo ezikhethekileyo nokudibana nabantu abasuka emhlabeni wonke.

EArgentina
Ndaqala ukubuka iindwendwe ngo-2017

EArgentina, ndafumanisa uAirbnb njengendlela yokwenza wonke umhlaba wazi ngamabali nezithethe zaseLatin America. Kum, ukubuka iindwendwe kundenza ndikwazi ukwenza ubuhlobo bokwenene obunganqandwa yimigama. Ukuba ngumbuki zindwendwe akundivumeli nje ukuba ndamkele iindwendwe kodwa kundenza ndikwazi nokuba ngunozakuzaku wenkcubeko yethu etyebileyo.

EItali
Ndaqala ukubuka iindwendwe ngo-2017

Ndiyazingca ngokuba Yinkokheli Yentsapho Nonozakuzaku oyiSuperhost eLake Como, eItali. Ndiyakuthanda ukunceda ababuki zindwendwe abatsha, ukumamela intsapho yam, ukukhuthaza ukubuka iindwendwe ngendlela engayonakalisiyo indalo nokwenza iindwendwe zam zonwabe ngendlela ezingasoze ziyilibale.

EMerika
Ndaqala ukubuka iindwendwe ngo-2017

Ndiyakuthanda ukonwabela iparadesi yethu eFlorida neendwendwe ezivela emhlabeni wonke. Ukubuka iindwendwe akuthethi nje ukunika abantu indawo yokuhlala—kuthetha ukwakha ubuhlobo obuhle nokwenza izinto ezinokonwatyelwa ezingalibalekiyo.

EBrazil
Ndaqala ukubuka iindwendwe ngo-2019

Ndiyinkokheli Yentsapho Nonozakuzaku oyiSuperhost eMaceió, eBrazil. Ndimthanda kakhuIu uAirbnb kuba undenza ndikwazi ukuba neencoko ezimnadi nabantu abaninzi abaneenenkcubeko ezahlukeneyo.

EMerika
Ndaqala ukubuka iindwendwe ngo-2017

Ndaqala ukubuka iindwendwe kwisitudiyo esincinci kwikhaya lam eFlorida ukuze ndikwazi ukubhatala ityala lendlu. Ndinceda kwizindlu ezininzi ibe ndikwanguye noNozakuzaku oyiSuperhost, ndinceda ababuki zindwendwe abatsha baqalise.

ESpeyini
Ndaqala ukubuka iindwendwe ngo-2015

Njengombuki zindwendwe eMarbella, eSpeyini. Ndiqalise ukukuthanda kakhulu ukudibana neendwendwe ezivela emhlabeni wonke nokuzenzela izinto ezinokonwatyelwa ezimangalisayo. Ndiye ndabanalo nethuba lokunceda abanye ababuki zindwendwe njengoNozakuzaku oyiSuperhost nombuki zindwendwe oncedisayo. Iyandonwabisa kakhulu le nto ibe kwenza ndikuthande kakhulu ukubuka iindwendwe.

EMzantsi Korea
Ndaqala ukubuka iindwendwe ngo-2018

Ndaqala ukubuka iindwendwe ebudeni beOlimpiki Yasebusika ka-2018, ibe ndibe Ngumbuki Zindwendwe Nonozakuzaku oyiSuperhost ukususela ngoko. Ndiyakuthanda ukunceda ababuki zindwendwe abadala kwizinto abazenzayo ukuze benze imali.

EOstreliya
Ndaqala ukubuka iindwendwe ngo-2014

Ndaqala ukubuka iindwendwe eOstreliya ngexesha leengxaki zemali zomhlaba wonke xa ndaphelelwa ngumsebenzi. Into eyaqala njengento entsha ekwakufuneka ndiyenzile yatshintsha yaba yinto yam endizimisele ukuyenza entsha. Ukubuka iindwendwe kum kukwenza iindwendwe zam zibe namava ezingasoze ziwalibale, enoba ziza kuhlala kwindawo yam ukuze zicele umtshato, ziza kubhiyozela ianivesari yeminyaka eyi-40, okanye ziza kuhlala nabahlobo okanye nentsapho.

EKenya
Ndaqala ukubuka iindwendwe ngo-2015

Ndiyakuthanda ukubuka iindwendwe. Njengenkokheli Yentsapho Nonozakuzaku oyiSuperhost eNairobi, ndiyavuya ukubona abanye babantu endibancedileyo besiba ziSuperhost.

EKhanada
Ndaqalisa ukubuka iindwendwe ngo-2014

Into eyaqala njengomsebenzi endiwenza ecaleni yakhula yaba yinto enkulu. Ndaqalisa ukubuka iindwendwe ngokuthatha igaraji yethu endala eseKhanada ndayenza yayindawo etofotofo yokuzikhuphela ngaselwandle. Ukuxelela abanye amava am okubuka iindwendwe yindlela yam yokwenza intsapho, yokwenza abahlobo nendawo apho umntu aziva esekhaya kuyo. Ndizama ukwenza ihlabathi lethu kungonakaliswa indalo kulo, libe nabantu abanobubele nokuba kungakhethwa mntu.

EMerika
Ndaqala ukubuka iindwendwe ngo-2014

Ndaqala ukonwabela ukubuka iindwendwe ePalm Springs, eKhalifoniya. Njengonozakuzaku oyiSuperhost Nenkokheli Yentsapho, ndiye ndanceda ababuki zindwendwe kwindlela abazibuka ngayo iindwendwe ndaza ndalwela imithetho esengqiqweni. Ndiyakuthanda ukubuka iindwendwe kuba nditsho ndikwazi ukuba yinxalenye encinci yebali lomntu. Iinkumbulo ezintle zohambo zihlala ixesha elide.

EIndiya
Ndaqala ukubuka iindwendwe ngo-2019

Ndajoyina uAirbnb ngokubuka iindwendwe kwinto enokonwatyelwa yobugcisa esesitratweni eDelhi, eIndiya, ndaza ndalwandisa uhambo lwam ngokubuka iindwendwe kwiindawo ezikhethekileyo, ezenziwe ngomhlaba. Njengenkokheli Yentsapho kwizinto ezinokonwatyelwa, ndiyakuvuyela ukwakha ubuhlobo nabantu abaneenkcubeko ezahlukeneyo.

EFransi
Ndaqala ukubuka iindwendwe ngo-2019

Ukubuka iindwendwe bekuyindlela yam yokuhamba ngoxa ndihleli ekhaya eFransi—ukudibana nabantu abasuka emhlabeni wonke nokubona iinkcubeko zabo. Ndiyakuthanda ukwenza indawo apho iindwendwe ziziva zisekhaya zisuka nje zakungena. Ukuzibona zonwabile kwaye zihleli kamnandi yeyona nto yanelisayo kwinto enokonwatyelwa.

EFransi
Ndaqala ukubuka iindwendwe ngo-2015

Ukubuka iindwendwe kukwenza wazi ihlabathi lonke, ibe kum, loo nto iyamangalisa. Ndajoyina uAirbnb njengombuki zindwendwe kwilali encinci ekufutshane neChartres, eFransi, ibe ngoku Ndiyinkokheli Yentsapho nevolontiya.

EMexico
Ndaqala ukubuka iindwendwe ngo-2019

Ukuvula iingcango zendawo yam ndizivulela abantu abasuka emhlabeni wonke kuye kwabutshintsha ubomi bam. NjengeSuperhost Nenkokheli Yentsapho, ndiyixabisa gqitha indawo endihlala kuyo. Ndiyakuthanda ukukhuthaza abanye abantu ukuba bazive besekhaya, ibe ndiyalithanda ithuba lokuba negalelo ekuphuculeni indawo endikuyo ngokubuka iindwendwe.

EUnited Kingdom
Ndaqala ukubuka iindwendwe ngo-2015

Phantse emva kweminyaka elishumi ndaqalisa ukubuka iindwendwe kwiintente ezikwifama yethu Kwipaki Yelizwe eseEngland’s Peak District, ndisakuthanda nangoku ukubona iindwendwe zivuya xa zifika. Ndikwangunozakuzaku oyiSuperhost.

EJapan
Ndaqala ukubuka iindwendwe ngo-2017

Ndiyazingca ngokuba ndiye ndamkela iindwendwe ezineenkcubeko ezahlukeneyo eOkinawa, eJapan. Ndisebenze Njengenkokheli Yentsapho ukususela ekuqaleni, ndisebenzela ukwandisa amathuba okubuka iindwendwe kwesi siqithi.

EOstreliya
Ndaqala ukubuka iindwendwe ngo-2015

Ndikuthazwa ngumntu owafumana iNobel Peace Prize, uMuhammad Yunus, ukuba ndenze imisebenzi, endaweni yokufuna umsebenzi, ndabhaqa uAirbnb. Ukuba ngumbuki zindwendwe kwa-Airbnb kwandinika ithuba lokwenza izinto endizithandayo ngoxa ndisonwabela ukwenza imali. Yindlela endiye ndakwazi ngayo ukudibanisa izinto endizithandayo nomsebenzi wam nento endikhuthaza ukuba ndikhangele ukuba ubomi noAirbnb bandiphathele ntoni.

EThailand
Ndaqala ukubuka iindwendwe ngo-2014

Ndiyinkokheli Yentsapho eThailand eyithandayo indlela uAirbnb enza ngayo ube mncinci umhlaba. Ndaqala ukubuka iindwendwe njengento nje yokuzonwabisa, ibe ngoku ndibuka iindwendwe, ndincedisa ekubukeni indwendwe kwiindawo zokuhlala nakwizinto ezinokonwatyelwa ngokusigxina.

EMzantsi Afrika
Ndaqala ukubuka iindwendwe ngo-2019

Ndingumama, ndiyayithanda indalo, ibe ndiyiSuperhost yakwa-Airbnb. Ndibe nelungelo lokwamkela abahambi abavela kuzo zonke iimbombo zomhlaba kwindawo yethu. Into endifuna ukuyenza kukwenza zonke iindwendwe zizive ngathi ziyinxalenye yentsapho yam. Ibe luhambo olumangalisayo, olwenze amaxesha angalibalekiyo, olwenze kwakheka ubuhlobo obusondeleyo, nokusoloko ufunda ebomini. Ndiyakusoloko ndikuvuyela ngonaphakade ukuba yinxalenye ka-Airbnb.