Ukugqiba ngokuba zingaphi iindwendwe ezinokuhlala kwindawo yakho
Enye yezinto zokuqala abantu abanokuba zindwendwe abafuna ukuyazi ngendawo kukuba inkulu kangakanani. Ngokuchaza inani leendwendwe onokuzihlalisa nenani leebhedi, amagumbi okulala namagumbi okuhlambela akhoyo, unokunceda abantu bagqibe ekubeni indawo yakho iza kubalungela na.
Uza kukwazi nokufaka iinkcukacha ezingakumbi emva kokuba uyipapashile indlu yakho, kuquka ukuchaza iintlobo zeebhedi nezinto ezinokusetyenziswa kwigumbi ngalinye lokulala, ezifana neehenga nemiqamelo eyongezelelekileyo. Okwangoku, ungahoya kakhulu inani leendwendwe ongathanda ukuzamkela kwindawo yakho.
Ukuba awuqinisekanga, zama la macebiso:
- Bala inani leebhedi onazo. Cinga ukuba bangaphi abantu abanokulala kakuhle kwibhedi nganye.
- Bala inani lamagumbi okuhlambela onawo. Cinga ukuba bangaphi abantu abanokuzisebenzisa kunye ezo ndawo.
- Seta elona nani lininzi leendwendwe elikufaneleyo. Into yokuba indawo yakho inokulala inani elithile labantu ayithethi ukuba kufuneka wamkele elo nani leendwendwe.
- Zama ukungabi nezinto ezingalindelwanga zindwendwe. Ukuba inani leebhedi zakho liquka iisofa, oomatrasi, oomatrasi abampontshwayo, okanye amanye amalungiselelo okulala angaqhelekanga, qinisekisa ukuba uyayichaza le nto kumanyathelo alandelayo, njengaxa ufaka ingcaciso yendlu yakho okanye amazwi achaza ifoto. Ukuchaza ukuba unebhedi yosana okanye iibhedi ezikhweleneyo ezineendawo zokubambelela nako kunokunceda.
- Musa ukuzicingela izinto. Ngokomzekelo, abantu ababini abahamba kunye basenokuba abacebanga ukulala kunye.
Xa sele ukulungele, sebenzisa amaqhosha okongeza nokunciphisa ukuze ubeke inani eliphezulu leendwendwe zakho uze uphawule ukuba zingaphi iibhedi, amagumbi okulala namagumbi okuhlambela akhoyo. Isixhobo sokubala inani lamagumbi okuhlambela sivumela amagumbi okuhlambela angaphelelanga (anethoyilethi nesinki kodwa anganayo ishawa okanye ibhafu).
Khumbula ukuba ungazitshintsha iinkcukacha zakho nanini na ukuba imeko yakho okanye izinto ozifunayo ziyatshintsha, kuquka inani leebhedi nenani leendwendwe ezivumelekileyo.