Ncokola ngokuzenzekelayo ngezi zinto zitshintshiweyo zemiyalezo
Izinto eziphambili
Imiyalezo ecwangcisiweyo ikunceda uthumele inkcazelo ngamaxesha abalulekileyo
Iimpendulo ezikhawulezileyo ezilungiselelwe wena zikuvumela ukhawuleze uphendule imibuzo
Indawo yokukhangela nezihluzi ikunceda ukhawuleze uyifumane imiyalezo yakho
Bona ezinye izinto ezilungisiweyo kwimiyalezo
Indawo yemiyalezo Yombuki Zindwendwe ihlaziyiwe ukuze wonge ixesha. Ngoku ikhawuleza ukuya kutsho ngokuphindwe kayi-10 ibe iquka iindawo ezilungisiweyo njengemiyalezo ecwangcisiweyo neempendulo ezikhawulezayo ezilungele wena, nendawo yokukhangela nezihluzi—konke oku kwenzelwe ukukunceda kube lula ukuncokola neendwendwe.
Nantsi indlela esikunceda ngayo uncokole neendwendwe ngendlela elula ngakumbi:
Yenza imiyalezo izenzekele ukuze uqinisekise ukuba uyaqhakamshelana ngamaxesha abalulekileyo
Ukuphendula iindwendwe ngokukhawuleza kunceda iindwendwe zibe nexesha elimnandi.
Ungasebenzisa imiyalezo ecwangcisiweyo ukuze uthumele ngokuzenzekelayo inkcazelo kwiindwendwe ngamaxesha abalulekileyo, njengaxa zibhukisha, zibhalisa xa zifika okanye xa ziphuma.
Sifake neekhowudi ezimfutshane ezilungele wena, ezifaka iinkcukacha ngokuzenzekelayo ezifana negama londwendwe nosuku lokubhalisa xa lufika. Oku kuthetha ukuba ungasuka ekucwangciseni imiyalezo ethi, “Enkosi ngokubhukisha!” uye kwethi “Enkosi ngokubhukisha, Anna!” ungenzanga nto ingako.
Khawuleza ukuphendula iindwendwe ngeempendulo ezikhawulezayo
Imiyalezo evela kwiindwendwe efana nethi “Ndicela imiyalelo yokuya kwindawo yakho?” nothi "Ithini ikhowudi ye-wifi?" iqhelekile kakhulu.
Yiloo nto senze iimpendulo ezikhawulezayo, ukuze ukuphendula imibuzo edla ngokubuzwa kukhawuleze kuze kube lula. Vele ukhethe umyalezo wakho obhalwe kwangaphambili uze uwuthumele. Ngokufanayo nemiyalezo ecwangcisiweyo, iimpendulo ezikhawulezileyo ngoku zineekhowudi ezimfutshane zokukunceda wenze umyalezo ulungele umntu ngamnye omthumelelayo.
Umbuki Zindwendwe uSally waseSnoqualmie, eWashington uthi, “Iimpendulo ezikhawulezileyo zindinika ixesha lokubhala impendulo ecingisiswe kakuhle—impendulo ehloliweyo, ecacileyo ibe ukuba kuyafaneleka, impendulo elungiselelwe ngokukhethekileyo iimeko zeendwendwe zakho.”
Fumana imiyalezo yakho ngokukhawuleza
Indawo yemiyalezo ikusebenzela ngakumbi ngenxa yezinto zokukhangela nezihluzi ezenza kube lula ukuba ufumane umyalezo owufunayo ngexesha owufuna ngalo.
Khangela
Ngoku kulula ngakumbi ukukhangela kwimiyalezo ngokufaka igama londwendwe, ikhowudi yokuqinisekisa okanye igama eliyintloko. Ukuze ukhangele ngegama eliyintloko, bhala nje kwindawo yokukhangela—indawo yemiyalezo inobuchule bokukhangela imiyalezo njengoko ubhala. (Into omele uyiphawule: igama lakho eliyintloko kufuneka libhalwe kakuhle okanye awuzukwazi ukuyifumana imiyalezo echanileyo.)
Lungelelanisa
Ukuze sikuncede uyibeke ngokokubaluleka imiyalezo yakho uze uhoye ezona zinto zibalulekileyo kuqala, unako nokulungisa imiyalezo yakho ngokuphawula imiyalezo yakho njengengekafundwa, uyifake inkwenkwezi okanye uyigcine kwindawo ekhethekileyo.
Izihluzi
Xa imiyalezo yakho iphawulwe ukuba ayikafundwa okanye xa ifakwe inkwenkwezi, uza kukwazi ukuyihluza uze ufumane umyalezo owufunayo. Uphawu lokuhluza elisekunene kwindawo yakho yokukhangela liza kukunceda uhluze ngokohlobo lwemiyalezo okanye imeko yohambo. Isihluzi senkwenkwezi sikunceda uhoye imiyalezo oyiphawule njengebalulekileyo, ngoxa isihluzi semiyalezo engekafundwa siveza kuphela imiyalezo engekafundwa okanye imiyalezo oyiphawule njengengekafundwa.
Ungahluza nangokwendlu (ukuba unendlu engaphezu kwenye) nangokwemeko yohambo, njengezi zinto:
- Imibuzo okanye izicelo
- Kukho into efuna ukuhlolwa
- Ukubhalisa xa kufikwa nexesha lokuphuma
- Ngaphambi kohambo, ebudeni bohambo okanye emva kohambo
Indawo yemiyalezo, enezihluzi nokwaziyo ukukhangela kuyo inokwenza kube lula ngakumbi ukuba ufumane uze uphendule imiyalezo, uze uqhubeke uqhakamshelana neendwendwe zakho.
Izinto eziphambili
Imiyalezo ecwangcisiweyo ikunceda uthumele inkcazelo ngamaxesha abalulekileyo
Iimpendulo ezikhawulezileyo ezilungiselelwe wena zikuvumela ukhawuleze uphendule imibuzo
Indawo yokukhangela nezihluzi ikunceda ukhawuleze uyifumane imiyalezo yakho
Bona ezinye izinto ezilungisiweyo kwimiyalezo