UAirbnb Nababuki Zindwendwe bakhuthaza ukuhoywa kwezempilo nemfundo
Izinto eziphambili
Iiklabhu Zababuki Zindwendwe zichonga imibutho engenzi ngeniso ukuze ifumane iminikelo nyaka ngamnye Kwingxowa-mali Yentsapho ka-Airbnb.
UAirbnb uza kunikezela nge$100 miliyoni yeedola zaseMerika ukuya kutsho ngo-2030 kwimibutho esemhlabeni wonke.
Ukuchongelwa Ingxowa-mali Yentsapho kuka-2024 ngoku sele kuqalisile.
Ngo-2014, uHojin nenkosikazi yakhe benza isigqibo esikhulu: Bashiya imisebenzi yabo kwinkampani yemveliso yezinto ze-elektroniki eseSeoul ukuze bakhenkethe ihlabathi. Ebudeni bonyaka olandelayo, baye batyelela amazwe ayi-30 kumazwekazi amahlanu, bakhetha ukuhlala kumakhaya akuAirbnb kwindawo nganye ababeyityelela.
Ukubuliswa ngokufudumeleyo Ngababuki Zindwendwe kwakhuthaza uHojin ukuba enze abanye abahambi bavakalelwe ngendlela efanayo. Waba Ngumbuki Zindwendwe wakwa-Airbnb. Ngoku yena nenkosikazi yakhe banezindlu ezintathu eSeoul, apho baneminyaka engaphezu kwesixhenxe besamkela khona iindwendwe.
UHojin uthi, “Sikholelwa ukuba uhambo lunceda abantu bakhule ibe lunempembelelo entle kwiindawo abahlala kuzo.”
Ukucinga ngezinto ezinokunceda indawo uHojin ahlala kuyo kudlulela ngaphaya kokwamkela iindwendwe. NjengeNkokeli Yentsapho Yeklabhu Yababuki Zindwendwe yaseSeoul, uHojin wakhetha iGood Neighbors International ukuba ifumane umnikelo Kwingxowa-mali Yentsapho yakwa-Airbnb. Amalungu eklabhu anethuba nyaka ngamnye lokunceda abantu basekuhlaleni esebenzisa le Ngxowa-mali Yentsapho.
Lo mbutho ongenzi ngeniso wamazwe ngamazwe waseSeoul ufikelela kumazwe ayi-42, ibe asebenzisa amasebe ayi-52 eenkonzo zentlalo-ntle yabantwana eMzantsi Korea. Injongo yawo kukuphelisa ubuhlwempu, ukukhusela amalungelo abantwana, nokuxhasa intsapho ezimele nengakhethiyo.
Indlela Iiklabhu Zababuki Zindwendwe ezenceda ngayo
Ngenxa yokuchongwa yiKlabhu Yababuki Zindwendwe yaseSeoul, iGood Neighbors International yaye yafumana umnikelo we$75 000 yeedola zaseMerika Kwingxowa-mali Yentsapho ka-Airbnb. Lo mnikelo uza kuxhasa umsebenzi walo mbutho wokuphucula ukufundiswa kwabantu emhlabeni wonke nokunyangwa kwabantu nokufumana amanzi okusela acocekileyo.
Amalungu ale klabhu aye akhuthazwa nangumsebenzi walo mbutho kummandla waseMzantsi Korea, onjengokunikezela ngezinto zokuya exesheni abantwini abasebatsha, ibe aceba ukuba ngamavolontiya.
Zingaphezu kwe-50 Iiklabhu Zababuki Zindwendwe ezichonge imibutho engenzi ngeniso emhlabeni wonke ukuze ifumane iminikelo Kwingxowa-mali Yentsapho yakwa-Airbnb ngo-2023. Ngoku ukuchongwa kwemibutho ukuze ifumane iminikelo Kwingxowa-mali Yentsapho ka-2024 kuqalisile. Qhakamshelana Neklabhu Yababuki Zindwendwe yasekuhlaleni ukuze ufunde okungakumbi.
Joyina Iklabhu yakho Yababuki Zindwendwe yasekuhlaleni ukuze ufumane ithuba lokupha
Inkcazelo ekweli nqaku isenokuba itshintshile emva kokuba lipapashiwe.
Izinto eziphambili
Iiklabhu Zababuki Zindwendwe zichonga imibutho engenzi ngeniso ukuze ifumane iminikelo nyaka ngamnye Kwingxowa-mali Yentsapho ka-Airbnb.
UAirbnb uza kunikezela nge$100 miliyoni yeedola zaseMerika ukuya kutsho ngo-2030 kwimibutho esemhlabeni wonke.
Ukuchongelwa Ingxowa-mali Yentsapho kuka-2024 ngoku sele kuqalisile.