Lo mxholo awufumaneki ngolwimi olukhethileyo, ngoko siwenze wafumaneka ngolona lwimi esinalo olusondeleyo kolwakho.

Ukufaka nokulungisa izinto ezinokusetyenziswa kulula ngakumbi kunangaphambili

Sazise ngezinto ezinokusetyenziswa onokukhetha kuzo ezintsha—neendlela ezintsha zokuzifaka kwindlu yakho.
Ngu-Airbnb nge-7 Dis 2020
Lifundeka ngemizuzu eyi-2
Ihlaziywe nge-15 Jun 2021

Izinto eziphambili

  • Sifake izinto ezinokusetyenziswa ekunokukhethwa kuzo ezintsha ezingaphezulu kweziyi-40, ukuze iindwendwe ziyazi into emaziyilindele

  • Ngoku ungatsala iindwendwe ezikhangela izinto ezinokusetyenziswa ezifana “nendawo eyijikelezileyo entle” “nokukwazi ukuya elwandle,” kunye neenkcukacha ezifana nokuba unowuphi umatshini wekofu

  • Senze kwalula ngakumbi ukulungisa iinkcukacha zendlu yakho ngokumisa izinto ngendlela entsha

Iinkcukacha ezincinci ngendlu, ukususela kuhlobo lwekofu eziza kuyifumana iindwendwe ukuya kwindawo eyijikelezileyo eziza kuvukela kuyo kusasa, zinokuluchaphazela kakhulu uhambo. Sifuna ukwenza kube lula ukuba uchazele abantu abanokuba zindwendwe ngezinto ezithile ezinokusetyenziswa onazo, loo nto iza kukunceda uchaze into emaziyilindele uze uzihlalise kamnandi kakhulu. Yiloo nto sifake izinto ezinokusetyenziswa onokukhetha kuzo ezintsha ezingaphezulu kweziyi-40, kunye neendlela ezintsha zokufaka iinkcukacha uze ulungise inkcazelo yendlu yakho.

Iindwendwe zinokukhangela izindlu ezinezinto ezinokusetyenziswa ezithile, ngoko ezi zinto zintsha zikunceda utsale iindwendwe eziza kulungela indawo yakho.

Qhayisa ngendlu ekwindawo entle

Eyona nto uyithanda kakhulu kusenokwenzeka ngamahlathi amahle angaphandle kwefestile yegumbi lakho lokuhlala okanye ukubonakala kolwandle kwi-sunroom yakho, ngoko sifake izinto kwindawo ethi "indawo eyijikelezileyo entle" kwizinto ezinokusetyenziswa onokukhetha kuzo. Ngoku ungenza indlu yakho ibe phambili, nokuba xa ukuyo ubona intaba, ichibi okanye inxalenye yechibi. Iindwendwe ziza kukwazi ukufumana izindlu ezijikelezwe zizinto ezizithandayo—ibe nawe uza kukwazi ukuchaza into eyinyani ngento ezinokuyindela kwindawo eyijikelezileyo.

Ungachaza indawo eyijikelezileyo entle kwicandelo 'Leenkcukacha Zendlu' kwindawo ethi Lawula Indlu Yakho. Vele nje ukhethe indlu yakho ukuze uyilungise.

Khetha kwizinto ezinokusetyenziswa ezintsha ezingaphezulu kweziyi-40

Enoba indawo yakho yahlukile kuba inekhitshi eliphandle, iveranda okanye i-blender yokwenza iziselo ezimandi ekuseni, iindwendwe zifuna ukuyazi loo nto. Nazi ezinye zezinto ezinokusetyenziswa ezintsha onokukhetha kuzo:

  • Ukukwazi ukuya elwandle
  • Ukukwazi ukungena kwi-resort
  • Izixhobo zokujima
  • I-hammock
  • Izinto zokufunda

Xa iindwendwe zisazi ukuba zinokulindela ntoni kwixesha eziza kulihlala, zinokuceba kwangaphambili. Ukuchaza into ezimele ziyilindele kubalulekile: Sifunde kwiiSuperhost zethu ukuba indawo yakho akunyanzelekanga ukuba ide igqibelele—kodwa kubaluleke kakhulu ukuchazela iindwendwe kanye le nto ziza kuyifumana xa zifika.

Siye sazidibanisa ezona zinto ezinokusetyenziswa zithandwayo ukuze sikuncede uzifumane uze uzikhethe ngokukhawuleza. Ngokomzekelo, ngoku ungachaza ukuba indawo yakho ine-wifi, iTV, indawo yokusebenzela, umatshini wokuhlamba impahla, umatshini okupha umoya obandayo okanye oshushu, nokunye—yonke loo nto uyenza kwicandelo elinye.

Siye saqhubeka sidibanisa izinto ezinokusetyenziswa ngokwendawo ezikuyo ukuze uqhubeke ukwazi ukukhetha izinto ezinokusetyenziswa ekhitshini ngexesha elinye, kodwa songeze icandelo lezinto ezinokusetyenziswa ezithandwayo ukuze kube lula ngakumbi ukuchazela iindwendwe ukuba unezi zinto zizikhangelayo ixesha elininzi.

Chazela iindwendwe iinkcukacha

Ngaphambili kuAirbnb, ubukwazi ukusebenzisa indawo yezinto ezinokusetyenziswa ukuze uchazele iindwendwe ukuba unendawo ekunokusetyenzelwa kuyo okanye indawo ephandle, njengeveranda. Kodwa ngoku unokuchazela abantu abanokuba zindwendwe iinkcukacha ezingakumbi. Ngokomzekelo, unokunceda abantu abasebenzela ekhaya bafumane indawo ebalungeleyo ngokuchaza ukuba unedesika, iskrini, isitulo saseofisini okanye itafile uze uchazele iindwendwe ukuba iveranda isetyenziswa zizo zodwa okanye nangabanye abantu.

Unokufaka iinkcukacha ezingakumbi nangezinye izinto ezinokusetyenziswa eziliqela, eziquka:

  • Amajelo nezixhobo zokubukela izinto kwi-intanethi, eziquka iApple TV, uNetflix, uDisney+, nezinye
  • Umatshini wokwenza ikofu, ukuba ngoqhelekileyo, oweKeurig okanye ngowokwenza i-espresso
  • Indawo yokoja, ukususela kwesebenzisa amalahle ukuya kweyeenkuni
  • Indawo yokubasa phakathi endlini, uchaze ukuba ngokomzekelo, yeyombane okanye isebenzisa iinkuni
  • Izixhobo zokufudumeza nokupholisa indlu

Ukuba izinto ezinokusetyenziswa ziyatshintsha kwindlu yakho, ngoku kulula ngakumbi ukuba uzilungise, ukuze uqhubeke uhoye kakhulu eyona nto uyenza kakuhle—ukwamkela iindwendwe zakho ngendlela esemagqbini.

Inkcazelo ekweli nqaku isenokuba itshintshile emva kokuba lipapashiwe

Izinto eziphambili

  • Sifake izinto ezinokusetyenziswa ekunokukhethwa kuzo ezintsha ezingaphezulu kweziyi-40, ukuze iindwendwe ziyazi into emaziyilindele

  • Ngoku ungatsala iindwendwe ezikhangela izinto ezinokusetyenziswa ezifana “nendawo eyijikelezileyo entle” “nokukwazi ukuya elwandle,” kunye neenkcukacha ezifana nokuba unowuphi umatshini wekofu

  • Senze kwalula ngakumbi ukulungisa iinkcukacha zendlu yakho ngokumisa izinto ngendlela entsha
Airbnb
7 Dis 2020
Ngaba oku bekuluncedo?