Fumana uluvo lweenkwenkwezi eziyi-5

Imilinganiselo nezimvo zinceda iindwendwe zigqibe ekubeni into yakho enokonwatyelwa iza kuzilungela na. Izimvo ezintle zingakhokelela kwizicelo zokubhukisha ezingakumbi nakwingeniso ephezulu.

Sebenzisa izixhobo zokubeka amaxabiso kwithebhu yakho ethi Izinto ezinokubhukishwa neesetingi zeentsuku ofumaneka ngazo kwikhalenda yakho ukuze uqalise.

• Faka izaphulelo. Ukunikezela ngezaphulelo zexesha elilinganiselweyo, zababhukishe kwangethuba, nezeqela elikhulu kunokukunceda uqalise ukubhukishwa uze ugcine ixabiso lakho likhuphisana kakuhle namanye.
• Vula iintsuku ofumaneka ngazo. Khetha ukuba iindwendwe zingayibhukisha kwangaphambili kangakanani into yakho enokonwatyelwa. Ikhalenda yakho isetwe ngokuzenzekelayo yaba kwindawo ethi awufumaneki.
• Nciphisa amaxesha okuvala. Ukuvumela iindwendwe zibhukishe xa sele iza kuqala into yakho enokonwatyelwa kunokunceda ekutsaleni abantu abangakumbi ababhukishayo.
• Wahoye kakhulu amaxesha axakekileyo. Phanda ngeentsuku namaxesha athandwayo ezinto ezinokonwatyelwa kwingingqi yakho, njengeempela-veki okanye iiholide. Unokucwangcisa ukuba izihlandlo zenzeke kube kanye, usuku nosuku, okanye ngeveki.

Izimvo zeendwendwe zikunceda ukuba wenze ezona zinto ezinokonwatyelwa ezisemgangathweni uze uzenzele igama njengombuki zindwendwe. Iindwendwe ziyacelwa ukuba zinikezele ngezi zinto:

• Umlinganiselo xa uwonke. Iindwendwe zinika umlinganiselo wento enokonwatyelwa nganye osuka kwinkwenkwezi eyi-1 ukuya kweziyi-5. Umyinge womlinganiselo wakho xa uwonke uvezwa kwinto yakho enokubhukishwa, kwiziphumo zokukhangela, nakwiprofayile yakho.
• Imilinganiselo eneenkcukacha. Iindwendwe zichaza ngakumbi ukuba bekunjani ngokubeka umlinganiselo kwindlela ekhetheke ngayo, kubuchule, kwindlela ezenze ngayo abahlobo, indawo ekuyo, ukuthembeka, nokufaneleka kwexabiso.
• Uluvo olubonwa ngumntu wonke. Le nto ivela kwiprofayile yakho nakwicandelo lezimvo kwinto yakho enokubhukishwa. Ukuba uphendula uluvo olubonwa ngumntu wonke, impendulo yakho iza kuvela ezantsi kwalo.
• Umyalezo oyimfihlo. Le ngxelo yokuba bekunjani ayiveli kwinto yakho enokubhukishwa—yenzelwe wena kuphela.

Emva kokuba ufumene izimvo zakho eziyi-3 zokuqala, uza kufumana inkcazelo engakumbi ngezimvo zeendwendwe. Sebenzisa imenyu ukuze ufumane icandelo lenkcazelo engakumbi kwi-app ka-Airbnb.

Ababuki zindwendwe abaphezulu bachaza indlela abagqitha ngayo kwizinto ezilindelwe zindwendwe kuyo yonke imilinganiselo eneenkcukacha.

Ukongezelela kula macebiso okubuka iindwendwe, ungayilibali Imithetho Ebekiweyo Yombuki Zindwendwe Neepolisi Zokubuka Iindwendwe Ngokukhuselekileyo zika-Airbnb. Zichaza izinto ezisisiseko ezilindelekileyo ukuze unikezele ngezinto ezinokonwatyelwa ngokukhuselekileyo, nezikumgangatho ophezulu.

Bonke ababuki zindwendwe, iifoto neenkcukacha zento enokonwatyelwa kufuneka zifikelele imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.