Ipolisi Engezinto Eziyimfihlo Yeinshorensi Yohambo Yondwendwe yaseUnited Kingdom

Nceda uqaphele ukuba eli phepha longeza Ipolisi yethu Engezinto Eziyimfihlo Nephepha Langaphandle LaseMerika ibe lisebenza ngokusetyenziswa kwenkcazelo eyongezelelekileyo esiyenzayo ukuze sinikezele ngeinshorensi yohambo yondwendwe kwiwebhusayithi ka-Airbnb.

1. Isicelo

Eli phepha (“Iphepha Eliphantsi”) linenkcazelo engakumbi ngokusetyenziswa kwenkcazelo yobuqu yabantu abahlala eUK ngokunxulumene neepolisi zeinshorensi namabango ngeinshorensi yohambo yondwendwe eyenziwe yafumaneka ngoAirbnb.

2. Ngubani olawula Inkcazelo Yam Yobuqu

2.1 Umlawuli

Apho eli phepha likhankanya khona “uAirbnb,” “thina,” “thina,” okanye “eyethu,” libhekisela kuAirbnb Ireland UC noAirbnb UK Services Limited, ezizezinkampani zika-Airbnb ezijongene nenkcazelo yakho nezilawuli zenkcazelo ukuba uhlala eUK ngenxa yeinshorensi yohambo yondwendwe. Ezi nkampani zimbini zenza inkcazelo yakho ngokuzimeleyo - UAirbnb Ireland UC unoxanduva lwenkcazelo enento yokwenza nokubhukisha apho i-inshorensi yohambo isebenza khona ibe uAirbnb UK Services Limited ngumlawuli ozimeleyo wenkcazelo oyifakayo njengommeli omiselweyo weAon UK Limited (“Aon UK”). Qaphela ukuba imveliso yeinshorensi yohambo yondwendwe isasazwa nguAirbnb UK Services Limited, ummeli omiselweyo waseAon UK, ibe ifumaneka kwiEurop Assistance S.A. UK Branch (“Europ Assistance”), ibe zombini zisebenza njengabalawuli benkcazelo ezimeleyo yenkcazelo yakho yobuqu.

2.2 Qhakamshelana nathi

Ukuze uqhakamshelane neGosa Lokukhusela Inkcazelo (DPO) ukuze ufumane uAirbnb cofa apha. Ukuze uqhakamshelane neAon UK kunye ne-Europ Assistance, jonga izaziso zabo zezinto eziyimfihlo. Isaziso sezinto eziyimfihlo saseAon UK sifumaneka Kwimimiselo Yeshishini Nemiqathango Yezinto Eziyimfihlo kaAirbnb UK Services Limited kunye neEurop Assistance iqukiwe Kwimimiselo Nemiqathango yeinshorensi yohambo yondwendwe.

3. Inkcazelo Yobuqu esiyiqokelelayo

Ukuthenga i-Inshorensi yohambo yondwendwe akunyanzelekanga ibe ukuba ukhetha ukuyithenga, siza kuqokelela le nkcazelo ingezantsi ngeenjongo ezichazwe kweli phepha:

3.1 Inkcazelo Yobuqu okhetha ukusinika yona

• Inkcazelo yokuqhakamshelana, inkcazelo yokubhukisha.
  Siqokelela igama lakho, ifani, idilesi yeimeyile, umhla wokuzalwa, idilesi yeposi nenombolo yefowuni. Siqokelela nenkcazelo ngohambo lwakho ukuze senze ipolisi.

3.2 Inkcazelo Yobuqu esiyiqokelela kwezinye iinkampani

• Ukuba ufaka ibango phantsi kwepolisi yeinshorensi yohambo yondwendwe, ungayenza loo nto usebenzisa umboneleli weinshorensi, uEurop Assistance. I-Europ Assistance emva koko isithumelela imeko yebango lakho (umz. idrafti, efakiweyo, ehloliweyo, evunyiweyo, evaliweyo, ayamkelwanga) ukuze ukuba uqhakamshelane nathi ukuze ubhene okanye uphikise isigqibo se-Europ Assistance, sibuyisele umyalezo wakho kwi-Europ Assistance. I-Europ Assistance iza kuthumela inkcazelo ethile yebango efana nohlobo lwebango, imeko, isizathu sebango nexesha elenziwe ngalo ukuze kuqinisekiswe ukusebenza kwale nkqubo.

4. Indlela Esisebenzisa Ngayo Inkcazelo Yobuqu esiyiqokelelayo

Sisebenzisa Inkcazelo Yobuqu esiyiqokelela ngezi njongo zilandelayo.

4.1 Yenza uze ulawule ipolisi yakho yeinshorensi. 

Njenge:

• Qokelela inkcazelo efunekayo ukuze wenze ipolisi yakho;
• Yenza utshintsho kwipolisi yakho ukuba ugqiba ekubeni utshintshe uhambo lwakho, okanye utshintshe ipolisi yakho;
• Rhoxisa ipolisi yakho ukuba ugqiba ekubeni urhoxise into yakho ebhukishiweyo okanye ipolisi yakho.

4.2 Phucula uze Uphuhlise Imveliso yethu. 

Njenge:

• Yenza uhlalutyo, ulungise uze wenze uphando;
• Phucula into enokonwatyelwa yomntu oyisebenzisayo;
• Nikezela ngenkonzo yabathengi nokuqeqeshwa.

4.3 Yenza uze Ugcine Indawo Ethembekileyo Nekhuselekileyo. 

Njenge:

• Fumana uze uphephe iziganeko zobuqhetseba nezokhuseleko.

5. Ukwabelana Nokuchaza

I-inshorensi yohambo yondwendwe ilungiselelwe nguAirbnb UK Services Limited ibe iphantsi koEurop Assistance, egunyaziswe yiPrudential Regulation Authority ibe iphantsi kolawulo lweFinancial Conduct Authority naphantsi kolawulo olulinganiselweyo lwePrudential Regulation Authority. UAirbnb UK Services Limited ngummeli omiselweyo weAon UK, egunyaziswe nelawulwa yiFinancial Conduct Authority. Ngenxa yoko, sithumela inkcazelo ethile kwezi nkampani zimbini njengoko kuchaziwe ngezantsi:

• I-Europ Assistance yinkampani yeinshorensi ebhatala i-inshorensi yohambo yeendwendwe zika-Airbnb. Sibathumelela Inkcazelo Yobuqu esiyiqokeleleyo ukuze bakwazi ukubeka ixabiso baze banikezele ngepolisi yakho yeinshorensi yohambo.
• IAON UK ngumlamli weinshorensi ibe yinqununu yeAirbnb UK Services Limited ngokuphathelele imveliso yeinshorensi yohambo yondwendwe. Sibathumelela inkcazelo (i) ngeenkcukacha zobuqu ezisisiseko, njengegama lakho, ilizwe ohlala kulo, nomhla wokuzalwa, (ii) iinkcukacha zepolisi yakho yeinshorensi yohambo yondwendwe, kuquka inombolo, imeko, usuku lokuthenga, iintsuku zokuqalisa nezokuphela. Sisenokunikezela ngenkcazelo eyongezelelekileyo efunekayo eAon UK ukuze ifikelele izinto ezifunekayo kwimveliso yeinshorensi yohambo yondwendwe, kuquka naziphi na izinto ezifunwa ngumthetho.

7. Amalungelo Akho

Uncedwa ngamalungelo ngokuhambiselana nomthetho osebenzayo. Ngoxa amanye ala malungelo esebenza ngokuqhelekileyo, amalungelo athile asebenza kuphela kwiimeko ezithile ezimbalwa. Sisenokukucela ukuba uqinisekise ukuba unguwe nyhani uze ucele ngaphambi kokuba uthathe inyathelo elingakumbi ngesicelo sakho. Jonga apha ukuze ufumane inkcazelo engakumbi ngezicelo zakho zamalungelo omxholo wenkcazelo nendlela yokufaka isicelo.

Unelungelo lokufaka izikhalazo malunga nemisebenzi yethu yokulungisa inkcazelo ngokufaka isikhalazo kwiGosa lethu Lokukhusela Inkcazelo elinokufikelelwa kwicandelo elithi “Qhakamshelana Nathi” ngasentla okanye ngamagunya olawulo asekuhlaleni okanye amagunya ethu aphambili okulawula, iKhomishini Yokukhusela Inkcazelo yaseIreland.

8. Ukugcinwa

Sigcina inkcazelo enento yokwenza nenkqubo yeinshorensi yohambo yondwendwe kangangeminyaka emine ukuze sifezekise izinto ekufuneka sizifikelele kuwe size siphucule amava akho kwiwebhusayithi ka-Airbnb.

9. Ukusebenza Kwizinto Ezithunyelwa Emhlabeni Wonke Namazwe Ngamazwe

Njengoko kuchaziwe ngasentla, ukuze sinikezele ngeInshorensi yohambo yondwendwe, sithumela Inkcazelo Yobuqu esiyiqokelela kuAon UK noEurop Assistance. Simisele iindlela ezifunekayo zokuqinisekisa izinga elaneleyo lokukhuselwa kwenkcazelo kuyo nayiphi na inkcazelo edluliselwe ngaphandle kweUK. Kuyo nayiphi na inkcazelo edluliselwe ukusuka kwi-EU ukuya eUnited Kingdom kusebenza isigqibo sokwanela seKhomishini yaseYurophu. Sifake nemiqathango eqhelekileyo yesivumelwano kuAirbnb kunye nabanye abantu abafanelekileyo ukuze sikhusele inkcazelo yobuqu size sihambiselane nomthetho wokukhusela inkcazelo. Siza kukunika inkcazelo engakumbi ngeendlela zokuqinisekisa izinga elaneleyo lokukhuselwa kwenkcazelo, njengekopi yeEU Model Clauses, xa uyicelile. Ukuba ungathanda ukufumana inkcazelo enjalo nceda uqhakamshelane nathi ku dpo@airbnb.com.