Ipolisi yentsapho
Izinto ezenziwayo ezingekho mthethweni nezingavumelekanga
Izinto ezenziwayo ezingekho mthethweni nezingavumelekanga
UAirbnb akazivumeli izinto ezenziwayo ezingekho semthethweni okanye ezinye izinto ezinokubeka intsapho yethu engozini.
Izinto esizivumelayo
- Ukuba nentsangu okanye ukuyisebenzisa: Kwiindawo apho kusemthethweni ibe akukho mthetho wekhaya waphulwayo, abantu abadala bangayisebenzisa intsangu.
- Ukulima intsangu: Apho kusemthethweni kwaye xa kuphakathi kwemida yasekuhlaleni, ukukhulisa nokwenziwa kwentsangu okanye i-hemp nguMbuki Zindwendwe kwindlu yakhe kunokwenziwa ukuba uyichazile loo nto.
Izinto esingazivumeliyo
- Ukuxhatshazwa kwabantwana ngokwesondo: Ukunyanzela, ukuqhatha okanye ukutsala umntu oneminyaka engaphantsi kweyi-18, kungakhathaliseki ukuba ithini imithetho yasekuhlaleni, ukuze wenze izinto zesondo naye, nokuba kungobuqu okanye kwi-intanethi, akuvumelekanga. Funda okungakumbi.
- Ukuthengiswa kwabantu: Ukuqesha, ukugcina, ukuhambisa, ukuthumela okanye ukufumana umntu ngenkani, ngobuqhetseba, okanye ngokunyanzelisa ngenjongo yokwenza umsebenzi okanye ukuxhaphaza ngokwesondo akuvumelekanga. Funda okungakumbi.
- Umsebenzi wokuthengisa ngomzimba: Indawo okanye Into Enokonwatyelwa, okanye indlu eyingqongileyo ayifanelanga isetyenziselwe iinkonzo zokuthengisa ngesondo, njengokuphululana kwabantu ababini okanye ukuthengisa ngomzimba.
- Ukufuna abantu abathengisa ngomzimba: Iindwendwe azifanele zicele ibe Nababuki Zindwendwe abafanele bakhuthaze okanye banikezele ngeenkonzo zokuthengisa ngomzimba.
- Ukushishina ngezinto zesondo: Indawo okanye Into Enokonwatyelwa okanye indlu eyingqongileyo ayifanele isetyenziselwe ukwenza izinto zokushishina ngezinto, iifoto okanye iividiyo zesondo.
- Iziyobisi ezingekho mthethweni: Iziyobisi ezingekho semthethweni okanye ezinemiqathango njenge-opium, ii-opiates, ii-opioid, i-coca ne-cocaine, iziyobisi eziluhlobo lwe-amphetamine, iziyobisi ezicinezela imithambo yoluvo neziyobisi ezizi-hallucinogen azifanele zibekho okanye zisetyenziswe kwindawo yokuhlala okanye Into Enokonwatyelwa okanye indlu eyingqongileyo ngaphandle kokuba zifunyenwe kugqirha ngenxa yengxaki yempilo.
- Ukwenziwa kweziyobisi: Indawo okanye Into Enokonwatyelwa okanye indlu eyingqongileyo ayifanele isetyenziselwe ukwenza iziyobisi ezingekho mthethweni ngezinto zokwenza iziyobisi okanye izityalo.
- Ukulima iziyobisi: Indawo okanye Into Enokonwatyelwa okanye indlu eyingqongileyo ayifanele isetyenziselwe ukukhulisa izityalo ekuza kwenziwa ngazo iziyobisi ezingekho mthethweni, ngaphandle kwentsangu.
- Ukuhambisa iziyobisi: Indawo, Into Enokonwatyelwa okanye indlu eyingqongileyo ayifanele isetyenziselwe ukuthengisa, ukupha, ukuthubelezisa okanye ukuhambisa iziyobisi kuquka intsangu, nokuba kusemthethweni ukwenza loo nto kwingingqi yakho.
Silapha ukuze sikuncede
Ukuba wena okanye omnye umntu uziva esengozini okanye engakhuselekanga okanye ukrokrela ukuxhaphazwa komntwana okanye ukuthengiswa kwabantu, nceda uqhakamshelane namagunya ezomthetho asekuhlaleni ukuze uncedwe. Ukongezelela, ukuba ubona okanye kwenzeka into kuwe engahambisani nepolisi yethu, nceda usixelele.
Nangona ezi zikhokelo zingathethi ngazo zonke iimeko, zenzelwe ukuba zinike ulwalathiso olubanzi ngeepolisi zentsapho ka-Airbnb.
Eli nqaku likuncedile?
Amanqaku asondele kweli
- Undwendwe
Indlela onokunceda ngayo ekupheliseni ukuthengiswa kwabantu
UAirbnb uye wasebenzisana noPolaris ukuze intsapho yethu ikuqonde ngakumbi ukuthengiswa kwabantu ngokukunceda wazi ngezinto ezibonisa ukuba … Ipolisi ngenkcazelo nangeCoronavirus
Funda okungakumbi ngePolisi Yezinto Ezifakwayo ka-Airbnb elungiselelwe iCOVID-19.- Undwendwe
Izinto zempilo nokhuseleko ezifunekayo kwiindawo zokuhlala zakwa-Airbnb
Impilo yakho ibalulekile kuthi. Ziqhelanise namacebiso okhuseleko nezikhokelo zempilo yakho ngexesha lobhubhane weCOVID-19.
Fumana uncedo ngokubhukisha kwakho, ngeakhawunti yakho, nangokunye.
Ngena kwiakhawunti okanye uvule iakhawunti