Izinto ezicetyiswayo ziza kubonakala emva kokubhala kwindawo yokukhangela. Sebenzisa iaro enyukayo nehlayo ukuze uwahlole. Sebenzisa iqhosha elingu-enter ukuze uyikhethe. Ukuba ukhethe amabinzana, loo mabinzana ngawo aza kukhangelwa. Ukuba ucetyiswa ngelinki, ibhrawza iza kuya kwelo phepha.
Ipolisi yentsapho

Ukwamkela iindwendwe ezidinga izinto ezinceda kungeneke lula

Samkela size sincede abantu abadinga izinto ezinceda kungeneke lula. La malungu entsapho amele akwazi ukuthemba ukuba Ababuki Zindwendwe babo baza kubanika inkcazelo echanileyo ngezinto ezinceda kungeneke lula.

Izinto esizivumelayo

  • Ukungamkeli izilwanyana ezincedayo ngenxa yempilo okanye ukhuseleko lombuki zindwendwe: Ukuba Umbuki Zindwendwe akakwazi ukusamkela isilwanyana esincedayo ngenxa yezizathu ezifana nokuba isilwanyana singayingxaki kwimpilo okanye kukhuseleko lomntu ohlala ngokusigxina ekhayeni lakhe, Ababuki Zindwendwe bangakhululwa ukuba basazisa ngokukhawuleza.
  • Izicelo zokususa izilwanyana ezincedayo ezingalawulwayo ngabanini bazo: Ukuba undwendwe alukwazi kulawula isilwanyana esincedayo, Umbuki Zindwendwe usenokucela ukuba eso silwanyana sisuswe. Ngokomzekelo, ukuba isilwanyana sishiywe singagadwanga ngexesha lokubhukisha.

Izinto esingazivumeliyo

  • Ukungamkeli ukubhukisha ngenxa yokuba undwendwe ludinga izinto ezinceda indawo ilungele wonke umntu: Ngaphandle kokuba bakhululwe, Ababuki Zindwendwe abakwazi kungalwamkeli, kurhoxa okanye batshintshe ukubhukisha ngenxa yokuba undwendwe lunesilwanyana esincedayo okanye isixhobo sokuncedisa.
  • Ukongeza ezinye iimali ezimele zibhatalwe ngenxa yokuba undwendwe ludinga izinto ezinceda indawo ilungele wonke umntu: Ababuki zindwendwe abakwazi kubiza enye imali ngenxa yezilwanyana ezincedayo okanye izixhobo zokuncedisa. Funda Ipolisi Yokulungela Wonke Umntu uze uqonde ukuba kutheni izilwanyana ezincedayo zahlukile kwizilwanyana zasekhaya nezilwanyana ezinceda kwiimvakalelo.
  • Ukungamkeli izicelo ezivakalayo zeendwendwe ezidinga izinto ezinceda kungeneke lula: Ababuki zindwendwe kufuneka bazivume izicelo ezivakalayo zezinto ezinceda kungeneke lula. Iyavakala into yokucela Umbuki Zindwendwe ukuba asuse isofa kwindlela engenayo ukuze undwendwe olukwisitulo esinamavili lungene kakuhle kwigumbi lokuhlala (kuba kucingwa ukuba ikhona indawo yokubeka isofa esusiweyo ibe Nombuki Zindwendwe angakwazi ukuyisusa isofa). Kodwa ke, ayivakali into yokucela Umbuki Zindwendwe ukuba andise indawo yokungena ukuze isitulo esinamavili sikwazi ukudlula kuyo.
  • Ukuphathwa ngokungalinganiyo: Ngaphandle kweemeko zokukhululwa ezivunyiweyo, Ababuki Zindwendwe kufuneka baziphathe ngendlela efanayo, babe nemithetho efanayo ize nendlela abazenza ngayo izinto ifane kuzo zonke iindwendwe, noba zidinga izinto ezinceda kungeneke lula.
  • Amazwi adelelayo: Akukho mntu, noba lundwendwe okanye Umbuki Zindwendwe, ofanele amkele ukuthukwa ngenxa yokuba enesiphene—kuquka nokujongelwa phantsi komsebenzi wesilwanyana sakhe esincedayo okanye isixhobo sokuncedisa okanye ukusetyenziswa kwamazwi acalulayo.
  • Ukungazichazi kakuhle izinto ezinceda kungeneke lula: Izindlu zimele zibe nenkcazelo echanileyo ngezinto ezikhoyo kwindawo ezinceda kungeneke lula nezingqonge indlu. Ababuki zindwendwe kufuneka bangafihlisi baze bachaze iinkcukacha eziphathelele ukungena kwimiyalezo efunyanwayo nethunyelwayo kunye nalo naluphi undwendwe ekwaziwayo ukuba ludinga izinto ezinceda kungeneke lula.

Silapha ukuze sikuncede

Ukuba ubona okanye kwenzeka into kuwe engahambisani nepolisi yethu, nceda usixelele.

Nangona ezi zikhokelo zingathethi ngazo zonke iimeko, zenzelwe ukuba zinike ulwalathiso olubanzi ngeepolisi zentsapho ka-Airbnb.

Eli nqaku likuncedile?

Amanqaku asondele kweli

Fumana uncedo ngokubhukisha kwakho, ngeakhawunti yakho, nangokunye.
Ngena kwiakhawunti okanye uvule iakhawunti