Ukubhukisha Izinto Ezinokonwatyelwa Kwi-intanethi

Ukuhamba umhlaba wonke ngosuku olunye—ibe khange kufuneke nokuba uphakame esofeni yakho. Izinto Ezinokonwatyelwa Kwi-intanethi zizisa umhlaba kwikhaya lakho.

Ungabhukisha Into Enokonwatyelwa kwi-intanethi ngendlela efanayo yaxa ubhukisha ekuyiwa ubuqu kuyo. Qinisekisa nje ukuba uyakwazi ukungena kuZoom ngekhompyutha yakho, i-tablet okanye ifowuni.

Amaxabiso

Izinto Ezinokonwatyelwa Kwi-intanethi zinexabiso lomntu ngamnye ibe uza kucelwa ukuba ubhukishe indawo yomntu ngamnye oza kujoyina Into Enokonwatyelwa. Kodwa ke, ukuba Umbuki Zindwendwe akanangxaki neendwendwe ezininzi ezisebenzisa isixhobo esinye, uza kuzichazela kwiphepha Lento yakhe Enokonwatyelwa kwindawo ethi Into Oza Kuyenza nethi Indlela Yokuthatha Inxaxheba.

Ukurhoxisa, ukutshintsha nokubuyiselwa imali

Ungarhoxa ukuya kutsho kwiintsuku eziyi-7 ngaphambi kwexesha lokuqalisa okanye kwiiyure eziyi-24 emva kokubhukisha. Kwaye ungakutshintsha ukubhukisha ukuya kutsho kwiiyure eziyi-72 ngaphambi kokuqalisa Kwento Enokonwatyelwa. Ukurhoxa nokutshintsha kuneepolisi ezifanayo kwiZinto Ezinokonwatyelwa kwi-intanethi nekuyiwa ubuqu kuzo.

Ufanelekela ukubuyiselwa yonke imali ukuba kukho iingxaki zobuxhakaxhaka, njengeengxaki zesandi okanye ezevidiyo, kwisixhobo sakho okanye esoMbuki Zindwendwe ebudeni Bento Enokonwatyelwa kwi-intanethi.

Ukuya

Lungiselela

Uza kufunda yonke into ekufuneka uyazi kwi-imeyile yakho yokuqinisekisa kodwa ungafunda necandelo elithi Indlela yokuthatha inxaxheba nelithi Izinto ezifunwa kundwendwe kwiphepha Lento Enokonwatyelwa.

Joyina

Ukuze ufumane ilinki kaZoom Yento yakho Enokonwatyelwa kwi-intanethi, yiya:

• Kwi-imeyile yakho yokuqinisekisa
• Kwi-imeyile yakho yokukhumbuza
• Kwindawo ethi Uhambo, equkiweyo kwinkcazelo yokubhukisha kwakho

Xela izinto ezingafanelekanga

Ukuba udibana nayo nayiphi na into engafanelekanga, qhakamshelana neqela elinceda intsapho lakwa-Airbnb uze uyixele. Gqithisa inkcazelo eninzi kangangoko kunokwenzeka ibe siza kuyiphanda loo ngxaki.