Izinto ezicetyiswayo ziza kubonakala emva kokubhala kwindawo yokukhangela. Sebenzisa iaro enyukayo nehlayo ukuze uwahlole. Sebenzisa iqhosha elingu-enter ukuze uyikhethe. Ukuba ukhethe amabinzana, loo mabinzana ngawo aza kukhangelwa. Ukuba ucetyiswa ngelinki, ibhrawza iza kuya kwelo phepha.
Indlela yokuyenza
Umbuki zindwendwe

Ukufaka iindlela zokungena kwizindlu

Kumnandi xa ukwazi ukwamkela abantu abangakumbi kwindawo yakho ngokufaka izinto ezinceda ilungele wonke umntu—iindwendwe ezininzi zikhangela izindlu ezinezinto ezithile ezifunekayo.

Indlela esebenza ngayo

Okokuqala, qinisekisa ukuba indlu yakho ipapashiwe. Emva koko ungalungisa indlu yakho ngokwamagumbi uze uphawule indlela yokungena nganye ubuncinane ngefoto enye ecacileyo.

Lungisa indlu yakho ukuze iquke iindlela zokungena

  1. Yiya kwindawo ethi Imenyu, khetha indawo ethi Izindlu, uze ucofe indlu ofuna ukuyilungisa (Nceda uqaphele: indlu yakho kufuneka ibe sele ipapashiwe ukuze ukwazi ukufaka ezi zinto).
  2. Yiya Kwizinto ezinceda ilungele wonke umntu
  3. Kwinto nganye onayo, cofa indawo ethi, Ndinayo le nto. Uza kucelwa ukuba ufake nefoto.
  4. Xa uzifakile iifoto, cofa indawo ethi Gcina.

Kuza kufuneka ufake ubuncinane ifoto enye yento nganye. Zonke izinto neefoto kufuneka zihambiselane nezikhokelo ezingezantsi. Xa izinto zakho ziqinisekisiwe ukuba ziyahambiselana nezikhokelo zeefoto, ziza kuvezwa kwicandelo lendlu yakho elithi Izinto ezinceda ilungele wonke umntu.

Lungisa igumbi lakho ukuze liquke izinto ezinceda ilungele wonke umntu

  1. Yiya kwindawo ethi Imenyu, ukhethe ethi Izindlu, uze ucofe ikhadi lendlu ofuna ukuyilungisa
  2. Phantsi kwendawo ethi Indawo yakho kwindawo ethi indawo yokulungisa indlu, yiya kwethi Iifoto Ezibukisayo
  3. Khetha igumbi, cofa indawo ethi Izinto ezinceda ilungele wonke umntu, uze ufake izinto zakho ezinceda ilungele wonke umntu.

Kuza kufuneka ufake ubuncinane ifoto enye yento nganye. Zonke izinto neefoto kufuneka zihambiselane nezikhokelo ezingezantsi. Xa izinto zakho ziqinisekisiwe ukuba ziyahambiselana nezikhokelo zeefoto, ziza kuvezwa kwicandelo lendlu yakho elithi Izinto ezinceda ilungele wonke umntu.

Ukuba ukonekthe kuAirbnb ngesixhobo senkcazelo okanye nge-software yokulawula indlu edityaniswe ngokupheleleyo, kuza kufuneka ulungise izinto zakho ezinokusetyenziswa eziyenza ilungele wonke umntu nge-software yakho yeAPI. Qhakamshelana nomboneleli wakho we-software yeAPI ukuze umbuze ukuba iza kufumaneka nini iAPI Yezinto Ezinceda Ilungele Wonke Umntu ukuze ukwazi ukufaka izinto zakho ezinokusetyenziswa.

Funda okungakumbi ngokuba ngowalapha nokungakhethi kuAirbnb kwipolisi yethu yokulungela wonke umntu.

Iingcaciso zezinto ezinceda ilungele wonke umntu nezinto ezifunekayo kwiifoto

Ukuze uqonde ukuba zeziphi izinto ezinceda ilungele wonke umntu onazo, funda iingcaciso ezingezantsi uze uqinisekise ukuba igumbi lakho liyazifikelela ezi zinto zifunekayo ngaphambi kokuyikhetha loo nto. Qinisekisa ukuba uyazifunda izinto ezifunekayo zakwa-Airbnb zokufota iifoto zezinto ezinceda ilungele wonke umntu.

Yendlu yakho

Indawo yokupaka elungele wonke umntu

Inkcazelo yento enceda ilungele wonke umntu:

Kukho indawo yokupaka yondwendwe ubuncinane eyi-11 feet (iimitha eziyi-3.35) ububanzi. Okanye, kukho indawo yokupaka kawonke-wonke elungiselelwe umntu onesiphene ephawulwe ngendlela ecacileyo.


Ifoto efunekayo:

  • Kwiindawo zokupaka zikawonke-wonke, yiba nophawu okanye imibhalo ebonisa ukuba zigcinelwe abantu abaneziphene
  • Kwiindawo zokupaka ezisetyenziswa ngumntu omnye okanye kwiindawo zokuhamba iimoto, fota uthe qelele ukuze ubonise ukuba indawo iyi-11 feet (izimitha eziyi-3.35) okanye ibanzi ngakumbi

Indlela ekhanyayo eya kumnyango wokungena undwendwe

Inkcazelo yento enceda ilungele wonke umntu:

Indawo yokuhamba esecaleni okanye indawo yokuhamba eya kwindawo yokungena yeendwendwe ikhanya kakuhle ebusuku.


Ifoto efunekayo:

  • Ziveze ngokucacileyo zonke izinto ezikhanyisa indawo yokuhamba eya kumnyango wondwendwe
  • Ungaziquki izinto ezikhanyisayo ezingaphakathi endlini
  • Qinisekisa ukuba ifoto iyabonisa ukuba zindawoni izibane xa zithelekiswa nendlela

Indlela engenazitepsi eya kwindawo yokungena undwendwe

Inkcazelo yento enceda ilungele wonke umntu:

Iindlela phandle nangaphakathi eziya kwindawo yokungena undwendwe—njengendawo yokuhamba ecaleni kwendlela, iipaseji okanye iilifti—azinazitepsi okanye iindawo eziphakamileyo.


Ifoto efunekayo:

  • Fota iifoto ezininzi kangangoko zifuneka ukuze ufote yonke indawo yokuhamba ukusuka kwindawo yokupaka yondwendwe ukuya kwindawo yokungena undwendwe
  • Kwiiflethi okanye kwizindlu ezikwicomplex neehotele, fota yonke indawo yokuhamba uquke iifoto zendlela yokungena ehotele, indawo yokwamkela iindwendwe, iipaseji nelifti, ukuba zikhona
  • Iminyango kufuneka ivuleke ukuze ibonise ukuba indawo yokuhamba ayinazo izitepsi nemiqobo

Indlela eya kumnyango wokungena undwendwe engenazitepsi

Inkcazelo yento enceda ilungele wonke umntu:

Indawo yokungena yeendwendwe ayinazitepsi nemiqobo, ibe apha phantsi emnyango akuphakamanga ngaphezulu kweeintshi eziyi-2 (iisentimitha eziyi-5).

Kwihotele okanye kwiflethi okanye kwindlu ekwicomplex, indawo yokungena yeendwendwe kulapho iindwendwe zingena khona kwigumbi lazo. Kuzo zonke ezinye iintlobo zezindlu, umnyango weendwendwe ngumnyango wendlu.


Ifoto efunekayo:

  • Vula umnyango wokungena undwendwe
  • Beka ikhamera ngaphandle kwindawo yokungena ijonge indlu
  • Jongisa ikhamera ezantsi ukuze ufote yonke indawo ephantsi kwindawo yokungena

Into yokufunqula umntu enesiporo esisesilingini okanye eqhutywayo enamavili


Inkcazelo yento enceda ilungele wonke umntu:

Kukho isixhobo esenzelwe ngokukhethekileyo ukuphakamisa nokukhupha umntu kwisitulo samavili. Sibethelelwe esilingini okanye sizimele.


Ifoto efunekayo:

  • Into yokufunqula umntu kufuneka yenziwe ngokukhethekileyo ukuze iphakamise ihlalise ize ifunqule umntu kwisitulo esinamavili

  • Veza ngokucacileyo into yokufunqula umntu nendawo ekuyo kwigumbi lokulala okanye kwigumbi lokuhlambela kwifoto yakho

Into yokufunqula umntu yasepulini okanye ebhafini yamanzi ashushu

Inkcazelo yento enceda ilungele wonke umntu:


Kukho isixhobo esenziwe ngokukhethekileyo ukuze siphakamise size sifake umntu kwipuli okanye ibhafu enamanzi ashushu.


Ifoto efunekayo:

  • Into yokufunqula umntu kufuneka yenziwe ngokukhethekileyo ukuze iphakamise ingenise ize ikhuphe umntu epulini okanye kwibhafu yamanzi ashushu

  • Veza ngokucacileyo into yokufunqula umntu nendawo ekuyo kufuphi nepuli okanye ibhafu enamanzi ashushu

Eyamagumbi akwindlu yakho

Umnyango weendwendwe obanzi ngaphezu kweeintshi eziyi-32 (81cm)

Inkcazelo yento enceda ilungele wonke umntu:

Indawo yokungena yondwendwe ubuncinane ivuleke kangangeeintshi eziyi-32 (iisentimitha eziyi-81).


Ifoto efunekayo:

  • Beka iteyiphu yokulinganisa emnyangweni ovulekileyo phakathi kwezona ndawo zincinci zefreyimu

  • Fota ifoto enye eveza yonke iteyiphu yokulinganisa ibekwe emnyangweni

  • Fota ifoto yesibini yeteyiphu yokulinganisa iveze ngokucacileyo iiyunithi zokulinganisa

Iindawo zokungena kumagumbi ezingenazitepsi


(le nto iyafumaneka kuzo zonke iintlobo zamagumbi)

Inkcazelo yento enceda ilungele wonke umntu:

Eli gumbi likumgangatho ophantsi okanye ungaya kulo ngelifti okanye ngendawo enyukayo, ibe akukho zitepsi okanye iindawo eziphantsi emnyango eziphakame ngaphezu kweeintshi eziyi-2 (iisentimitha eziyi-5) phakathi komnyango wokungena weendwendwe negumbi.




Ifoto efunekayo:

  • Ngaphambi kokufota, qinisekisa ukuba igumbi likumgangatho ophantsi okanye ungaya kulo ngelifti okanye ngendawo eflethi yokunyuka

  • Jongisa ikhamera ezantsi ukuze ufote yonke indawo ephantsi kwindawo yokungena

  • Qinisekisa ukuba umnyango uvulekile uze ubeke ikhamera ngaphandle kwigumbi ijongise ngaphakathi

Umnyango wegumbi obanzi ngaphezu kweeintshi eziyi-32 (81cm)


(le nto iyafumaneka kuzo zonke iintlobo zamagumbi)

Inkcazelo yento enceda ilungele wonke umntu:

Umnyango wokungena kwigumbi ubuncinane ubanzi kangangeeintshi eziyi-32 (81cm).


Ifoto efunekayo:

  • Quka into yokulinganisa okanye i-ruler ebekwe ngaphakathi kumgubasi kuvele icala ngalinye apho iphela khona namanani avele kakuhle. Umnyango kufuneka uvulwe kangangoko kunokwenzeka.

Ishawa engenazitepsi

Inkcazelo yento enceda ilungele wonke umntu:


Akukho zitepsi okanye izinto ezingumqobo xa ungena kwishawa. Le ndawo iphantsi emnyango okanye iindawo zokunqanda amanzi kufuneka zibe ngaphantsi kweintshi eyi-1.


Ifoto efunekayo:

  • Veza ishawa yonke, kuquka indawo ishawa edibana kuyo nomphantsi wegumbi lokuhlambela.

Isitulo seshawa okanye sasebhafini

Inkcazelo yento enceda ilungele wonke umntu:


Kukho into yokuhlala, njengesitulo okanye ibhanka, kwishawa okanye ibhafu ethe nca edongeni okanye ezimeleyo. Le nto yokuhlala kufuneka ibe yenzelwe ngokukhethekileyo iindwendwe ezingakwazi ukuhamba kakuhle.


Ifoto efunekayo:

  • Veza isitulo sonke singaphakathi kwishawa okanye ebhafini.

Indawo yokubambelela yaseshaweni

Inkcazelo yento enceda ilungele wonke umntu:


Ubuncinane ishawa inendawo enye yokubambelela ebethelelweyo okanye ethe nca kakuhle edongeni kwaye ayisoze isindwe. Akufunekanga ibe yintsimbi yokuxhoma iitawuli kwaye akufunekanga incamathiselwe ngomoya okanye ibe yeyokwexeshana.


Ifoto efunekayo:

  • Veza ishawa yonke uze uyiveze kakuhle indawo yokubambelela nendawo ekuyo kwishawa.

Iindawo zokubambelela zasethobhini ezibhetelelweyo

Inkcazelo yento enceda ilungele wonke umntu:


Indawo engasetobhini inayo ubuncinane indawo enye yokubambelela ebethelelweyo okanye ethe nca kakuhle edongeni kwaye ayisoze isindwe. Akufunekanga ibe yintsimbi yokuxhoma iitawuli kwaye akufunekanga incamathiselwe ngomoya okanye ibe yeyokwexeshana.


Ifoto efunekayo:

  • Yiveze kakuhle indawo yokubambelela nendawo ekuyo kufuphi nethobhi.

Eli nqaku likuncedile?

Amanqaku asondele kweli

Fumana uncedo ngokubhukisha kwakho, ngeakhawunti yakho, nangokunye.
Ngena kwiakhawunti okanye uvule iakhawunti