Ukuba indlela obucebe ngayo itshintshile ibe alikapheli ixesha lokurhoxisa simahla okanye lokubuyiselwa inxalenye yemali, ungakurhoxisa into oyibhukishileyo yakho eyindawo oza kuhlala kuyo uze ubuyiselwe imali. Siza kuqalisa ukukubuyisela imali yakho wakuba nje urhoxisile, kodwa ixesha elithathwayo ukuba uyifumane loo mali lixhomekeke kwibhanki yakho okanye kwiziko lakho lezemali.
Iipolisi zokurhoxa zibekwa ngumbuki zindwendwe ibe ziyahluka ngokwento enokubhukishwa. Ukuba umbuki zindwendwe wakho ukhethe ipolisi ekunokukhethwa ukuba ibuyiselwe yonke imali, ungarhoxisa simahla—rhoxisa nje qha ungekadluli umhla wokugqibela ochazwe kwinto ebhukishiweyo yakho. Amaxesha okurhoxa asekelwe kwixesha lasekuhlaleni lokubhalisa xa kufikwa lento ebhukishiweyo, okanye ngu-3:00 emva kwemini ukuba alikho ixesha lokubhalisa xa kufikwa elibekiweyo.
Ezinye izinto ezinokubhukishwa azibuyiselwa mali okanye kubuyiselwa inxalenye ethile kuphela emva kweentsuku ezithile. Kwezo meko, awuzukwazi ukurhoxisa simahla.
Kwiimeko ezinqabileyo apho isiganeko esikhulu kwindawo oya kuyo senza ukuba ungakwazi ukuhlala zonke iintsuku kwindawo yakho, usenokufanelekela ukubuyiselwa imali phantsi Kwepolisi yethu Yeziganeko Ezikhulu Eziphazamisayo.
Unako ukubona imali oza kuyibuyiselwa ngaphambi nangasemva kokurhoxisa. Imali oza kuyibuyiselwa ayisoze ibe ngaphezulu kwaleyo sele uyibhatele ngexesha oburhoxisa ngalo. Funda ukuba yimalini ebuyiswayo xa urhoxisa indawo ebhukishiweyo.
Ukuba ufumana ingxaki ngoxa usahleli, zama ukuyilungisa ngqo kumbuki zindwendwe wakho ngokucela ukuba ilungiswe, ukubuyiselwa inxalenye yemali okanye ukurhoxisa uze ubuyiselwe yonke imali. Ukuba akakwazi ukuyilungisa, akaphenduli, okanye akasamkeli isicelo sakho, cofa kwindawo ethi Fumana Uncedo kwiphepha lakho lokubhukisha. Siza kungenelela ukuze sincede, kuquka uncedo osenokulufumana phantsi kweAirCover yeendwendwe.
Ukuba urhoxisa into obuyibhukishile yakho emva kokuba sele ubhalisile xa ufika, kulindeleke ukuba uphume kwindlu ngoko nangoko.
Ukuba uthenge i-inshorensi yohambo okanye Ukukhuselwa Kwexesha Oza Kulihlala, kusenokwenzeka ukuba iindleko ezithile zokurhoxisa ziqukiwe. Ukuze ufake ibango kwi-inshorensi yakho, qala ufunde ipolisi yakho. Kumele ukuba ufumene i-imeyile:
Kwiphepha leenkcukacha zepolisi yakho, ungarhoxisa ipolisi yakho, uqalise ukufaka ibango uze ufikelele nakwezinye iinkonzo.
Ukuba unezinye iinkonzo ezibhukishiweyo kwindawo oyirhoxisayo, kuza kufuneka uzirhoxise ngokwahlukeneyo okanye wenze amanye amalungiselelo nombuki zindwendwe wakho wenkonzo.