Izinto ekufuneka iindwendwe zizazi ngepolisi yenkonzo okanye eyokurhoxisa into enokonwatyelwa

Siyazi ukuba iipolisi zokurhoxa ezicacileyo zibalulekile ukuze ube bhetyebhetye uze ube noxolo lwengqondo xa ubhukisha inkonzo okanye into enokonwatyelwa. Nantsi indlela yokufumana ipolisi yokurhoxa yenkonzo yakho okanye yento enokonwatyelwa oyibhukishileyo, enoba ufuna nje ukuqonda okungakumbi okanye kufuneka urhoxe.

Fumana ipolisi yokurhoxa

Ngaphambi kokuba ubhukishe: Ungafumana iinkcukacha zokurhoxa kwinkonzo okanye kwiphepha lendlu yento enokonwatyelwa kwindawo ethi Izinto omele uzazi, nasebudeni benkqubo yokubhukisha-ngaphambi kokuba ubhatale.

Ukubhukisha okuqinisekisiweyo: Ungafumana inkcazelo ngokubhukisha okubhukishileyo kwimiyalezo oyifumeneyo noyithumeleyo nombuki zindwendwe wakho, okanye ngokujonga Uhambo lwakho. Ipolisi yokurhoxa ifumaneka phantsi kweenkcukacha Zokubhukisha.

Jonga ukuba ungakurhoxisa na ukubhukisha kwakho simahla

Iipolisi zokurhoxa ziyahluka ngokwenkonzo okanye ngendlu yento enokonwatyelwa. Iinkonzo ezininzi nezinto ezinokonwatyelwa kuAirbnb ziza kuba nepolisi yokurhoxa yosuku oluyi-1, ekuvumela ukuba urhoxise de kube lusuku olunye (iiyure eziyi-24) ngaphambi kwexesha lokuqalisa kwenkonzo okanye into enokonwatyelwa ukuze ubuyiselwe yonke imali. Iinkonzo nezinto ezinokonwatyelwa ezikhethiweyo ziza kuba nepolisi yokurhoxa yeentsuku eziyi-3, ekuvumela ukuba urhoxise ukuya kutsho kwiintsuku ezintathu (iiyure eziyi-72) ngaphambi kwexesha lokuqalisa kwenkonzo okanye into enokonwatyelwa ukuze ubuyiselwe yonke imali.

Ukuba urhoxa ngaphandle kwexesha lokurhoxa simahla elichaziweyo, awuzukubuyiselwa mali, ngaphandle kokuba enye yezi meko ingezantsi isebenza ekubhukisheni kwakho, okanye ukuba umbuki zindwendwe, ngokokubona kwakhe, uyavuma ukukubuyisela yonke imali.

Amaxesha neentsuku esizibonisayo zeepolisi zokurhoxa zisekelwe kwixesha lasekuhlaleni lenkonzo okanye into enokonwatyelwa.

Xa usenokurhoxisa uze ubuyiselwe imali ngaphandle kwexesha lokurhoxisa simahla

• Iziganeko Ezikhulu Eziphazamisayo: Kwiimeko ezinqabileyo apho isiganeko esikhulu kwindawo ekuyo inkonzo yakho okanye into enokonwatyelwa sithintela ukugqitywa kokubhukisha, usenokukwazi ukurhoxisa uze ubuyiselwe imali phantsi Kwepolisi ka-Airbnb Yeziganeko Eziphazamisayo.

• Iingxaki ngoxa ukwinkonzo yakho: Ukuba urhoxa kuba inkonzo yakho okanye into yakho enokonwatyelwa yahlukile kule ibichazwe xa bekubhukishwa, usenokufanelekela ukubuyiselwa imali phantsi kwepolisi yethu yokubuyiselwa imali yeenkonzo nezinto ezinokonwatyelwa nokuba awukho kwixesha lokurhoxa simahla.

• Ingxaki kwikhaya lakwa-Airbnb: Ukuba ingxaki kwikhaya lakwa-Airbnb iyayithintela inkonzo okanye into enokonwatyelwa ukuba yenzeke kule ndawo, usenokufanelekela ukubuyiselwa imali phantsi kwepolisi yethu yokubuyiselwa imali yeenkonzo nezinto ezinokonwatyelwa nokuba awukho kwixesha lokurhoxa simahla.

Nceda uqaphele ukuba imozulu embi ayithathwa njengengxaki enokwenza undwendwe lubuyiselwe imali ngaphandle kwexesha lokurhoxisa simahla, ngaphandle kokuba imozulu iyayithintela into eyenziwayo.

Izigqibo zethu zokugqibela ezinento yokwenza nokurhoxa nokubuyiselwa imali azichaphazeli amanye amalungelo esivumelwano okanye asemthethweni asenokufumaneka kuwe. Naliphi na ilungelo iindwendwe okanye ababuki zindwendwe ekusenokufuneka baqalise amanyathelo omthetho alinakuchaphazeleka.

Iipolisi zokurhoxa zababuki zindwendwe

Ukuba ungumbuki zindwendwe okanye ufuna ukufunda okungakumbi ngeepolisi zokurhoxa ezikhoyo, nceda ujonge iipolisi zokurhoxa zendlu yakho.

Ukuba ipolisi yakho yokurhoxa ayichazwanga kweli nqaku

Ngamanye amaxesha sivavanya iipolisi ezintsha zokurhoxa. Ukuba awuyifumani ipolisi yakho yokurhoxa echazwe kweli nqaku, nceda ujonge iinkcukacha zokubhukisha.