Marianne
Indlela umama awayigcina ngayo intsapho yakhe ikhuselekile kwimililo yamahlathi
IBridge Fire yaseSouthern California yanyanzela intsapho kaMarianne ukuba ifuduke kwikhaya layo.
Xa uMarianne nentsapho yakhe babuya nenja entsha ebizwa ngokuba nguToby kwikhaya labo eWrightwood, eCalifornia, zange bayicinga tu into yokuba babeza kufuduka nayo ngosuku nje olulandelayo. NgoLwesibini, nge-10 kaSeptemba, babenentsasa eqhelekileyo. Iintombi zikaMarianne—ezineminyaka eyi-14, eyi-12, neyi-9—zaya esikolweni, ibe yena wayesebenza everandeni yakhe phantsi kwesibhakabhaka esityhilekileyo.
Ngosuku olungaphambi kokuba bafuduke, le ntsapho yayibuye nenja entsha ebizwa ngokuba nguToby, xa liphelele ekuthiwa nguToblerone.
Kwathi emva kwemini, kwafika umoya kwaza kwehla uthuthu esibhakabhakeni njengoko iLine Fire yayisondela. Nangona amagosa aqinisekisa wonke umntu ukuba akhonto ixhomisa amehlo, uMarianne wayothatha amantombazana akhe esikolweni. Babukela njengoko imeko yayisiba mandundu phandle. UMarianne wathi, “Kwakubonakala ngathi kwasandul' ukwehla intlekele. “Mna nomyeni wam sathi, ‘Zintombi zam, pakishani.’” Umyalelo wokuba kufudukwe wafika kungekudala emva koko.
"Kwakubonakala ngathi kusandul' ukwehla intlekele. Mna nomyeni wam sathi, 'Zintombi zam, pakishani.'"
—UMarianne, undwendwe lwakwa-Airbnb.org
Ifoto yekhaya likaMarianne ibonisa indlela umlilo owawusondele ngayo. (Ifotwe nguMarianne)
Ngeso sihlandlo uAirbnb.org wasebenzisana nemibutho yasekuhlaleni engenzi nzuzo eSan Bernardino county, iHearts & iLives kunye neVisit Big Bear, ukuze afunele indawo yokuhlala abantu abafudukileyo kwiindawo zika-Airbnb simahla. Ababuki zindwendwe abathathu bakwa-Airbnb bazinikela ngokuzithandela ukuze bancede le mibutho isebenzisana nayo ifumanele iindwendwe iindawo zokuhlala zongxamiseko baze bachazele nabanye abantu ngazo ngoAirbnb.org. UTara, uKatie, kunye noMonique benza iifomu zokubhalisa, bazifaka kumajelo okuncokola, baze bawa bevuka bebenzisana neenkampani zasekuhlaleni ukuze bancede abantu abafudukileyo kwiingingqi zabo. UTara wathi, “Abantu babengakholwa tu.” “Ukuphelelwa lixhala kwavakala kwilizwi labo emva kokuva ukuba bangafumana indawo yokuba usana lwabo lukhase, indawo yokuhlamba iimpahla, benzele nokutya—babevakala benombulelo wamanyani.” Encedwa ngababuki zindwendwe neenkampani asebenzisana nazo, uAirbnb.org wafumanela iindawo zokuhlala abantu abahlala eSan Bernardino abangaphezu kwe-1 000 abafuduswa yimililo yaseBridge neyaseLine, kuquka amakhulu abantwana nezilwanyana zasekhaya.
IiSuperhost zakwa-Airbnb uTara noKatie bancede imibutho engenzi nzuzo yasekuhlaleni yachonga iindwendwe ezidingayo ukuze izinike indawo yokuhlala kwa-Airbnb.
"Ukuphelelwa lixhala kwavakala kwilizwi labo emva kokuva ukuba bangafumana indawo yokuba usana lwabo lukhase, indawo yokuhlamba iimpahla, benzele nokutya—babevakala benombulelo nyani.”
—UTara, iSuperhost yakwa-Airbnb eBig Bear, eCA
Intsapho kaMarianne, kuquka uToby, yayiphakathi kwabantu abaye bahlala kwa-Airbnb simahla ngoxa babesayalelwe ukuba bafuduke. Wathi, “Ubomi bethu baphazamiseka ngeyona ndlela. Kwatsho kwathi xibilili xa ekugqibeleni safumana indawo yokuhlala.” Ukhumbula isihlandlo sokuqala emva kwethuba elide ekhupha izinto ezimbalwa zokuthambisa. “Yayiyinto engenamsebenzi, kodwa ndandikuvuyela ukuba nendawo apho ndandinokubeka khona izinto zam ndize ekugqibeleni ndikwazi ukucinga.”
Emva kweeveki ezimbini zokulandelela imililo yamahlathi nokuxhalabela indlu yayo, intsapho kaMarianne yakwazi ukubuyela ekhaya ngokukhuselekileyo.
Emva kweeveki ezimbini ihambile, le ntsapho yakwazi ukubuyela ekhaya ngokukhuselekileyo, apho yakwazi ukubuyelana nezilwanyana zayo aze namantombazana abuyela esikolweni. Esi sisihlandlo sesibini uMarianne nomyeni wakhe befuduka ngenxa yemililo yamahlathi ukususela oko bafudukela eWrightwood ngo-2015. Sisenokungabi sesokugqibela, kodwa uMarianne wathi uziva enethamsanqa ngokuhlala nentsapho esoloko ikulungele ukunceda, ingakumbi xa kukho iimeko zongxamiseko.“Bezininzi izinto ebesingazazi, kodwa uAirbnb.org wasinika ithemba waze wasiqinisekisa nokuba sasiza kuphumela kule ngxaki—singasindi nje neempahla zethu kuphela, kodwa sasiza kukwazi ukuhlala kakuhle.”
Xhasa uAirbnb.org
Yonke iminikelo iya ngqo ekuxhaseni abantu ngeendawo zokuhlala simahla ngamaxesha obunzima.
Nikela