EAltadena
Intsapho yakwaBenn
Isaziwa njengentsapho yomculo yaseAltadena, abakwaBenn bebehlala kule ndawo ukusukela ngeminyaka yoo-1950 kwaye bebecula qho kwiminyhadala yabahlali kule dolophu. Umlilo wase-Eaton utshabalalise izindlu ezimbini ebebenazo kangangezizukulwana ngezizukulwana. Amalungu entsapho alishumi elinanye aye akwazi ukuhlala kunye kuAirbnb ngoxa babecinga ngento elandelayo ebebeza kuyenza. ULoren Benn, oyena umdala kubantwana abasixhenxe bakwaBenn uthe, “Ukufumana indlu enye sonke bekubaluleke kakhulu ngesi sihlandlo, ingakumbi kuba sinabantu abaneengxaki zokuhamba nabantwana abancinci.” AbakwaBenn baceba ukubuyela eAltadena baze baphinde badibane nabantu basekuhlaleni ebebehlala nabo.
ULoren wathi, "Ukuphulukana nekhaya yinto enkulu. Ukuziva ngathi uphulukene nelifa inkulu kakhulu."
EAltadena
UEshele noBrayden
UEshele ngugqirha onentsapho ehlala eAltadena kangangezizukulwana ngezizukulwana. Yena, nonyana wakhe, uBrayden, nenjana yabo, uKing Tut, baphulukana nekhaya labo leminyaka eyi-17. Baye bahlala nombuki zindwendwe wakwa-Airbnb uInessa besebenzisa imali engasetyenziswa ka-Airbnb.org. Nangona balahlekelwa, uEshele uye waqhubeka nokubonelela ngeenkonzo zempilo yengqondo ngexesha elibuhlungu ebantwini abahlala kwingingqi yakhe.
UEshele wathi: “Ukuba nomntu ozokujonga ukuba unjani uze wamkeleke ngokungathi ulilungu lentsapho, kuye kwenza umahluko omkhulu.”
EAltadena
UKevin, uBridget, noCopi
UKevin noBridget bangamagcisa nabafoti abahlala eAltadena nonyana wabo oneminyaka eyi-10, uCopernicus, nenja, uGalaxy. Le ntsapho yaphulukana nekhaya layo nomsebenzi wayo omninzi, kodwa eyona nto ibalulekileyo kuyo kukunceda abantu abahlala kwingingqi yabo. Bahlala kwindawo ka-Airbnb simahla ngoxa besacinga ukuba baza kuthini.
“Sisazama ukuzipha ixesha ukuze sihlale phantsi sicinge umzuzu ukuba singayenza njani into elandelayo emele siyenze.”
EThe Thousand Oaks
USanam nosapho
USanam wamkela iqela labacimi-mlilo abasibhozo baseVentura nezinja zabo ezine, nangona intsapho yakhe yalahlekelwa zizindlu eziliqela ababerentisa ngazo ngenxa yemililo yamahlathi. Abantwana bakhe—abana 3, 5, 6, na-9—bancedisa ngokumane beyothenga izinto evenkileni iCostco ukuze bazisele abacimi-mlilo ukutya nezinto ezizidingayo ukuze zibe namandla awaneleyo xa zisebenza.
USanam wathi, “Kwakumnandi nyani ukunceda iqela labantu likwazi ukufumana amandla alo nomfutho wokubuyela ukuyokulwa umlilo.”
EPalm Desert
UJimmy
UJimmy owazalelwa waza wakhulela ePalm Desert, nongumbuki zindwendwe uye wadibanisa abantu bengingqi ahlala kuyo ukuze kuncedwe iindwendwe ezichatshazelwe yimililo yamahlathi yaseLA. Kwiveki yokuqala, wamkela iintsapho ezisithoba ezazifudukile. Enye intsapho eyaphulukana nekhaya layo, wayiqokelela iminikelo engamakhadi ezipho eevenkile zokutyela zasekuhlaleni naweevenkile zekofu.
UJimmy wathi, "Intliziyo yam yaba buhlungu kakhulu emva kokuba belahlekelwe likhaya labo ngokupheleleyo nangenxa yokuba kwanyanzeleka ukuba bafuduke ngokukhawuleza. Ndifuna aba bantu bazive behleli kamnandi kwindawo yam baze baqonde ukuba abantu bale ntsapho nale ngingqi, bayabamkela.”
ELong Beach
UKaitlyn
Umbuki zindwendwe waseLong Beach uKaitlyn uye wenza konke okusemandleni akhe ukuze ancede iindwendwe ezichatshazelwe yimililo yamahlathi, kuquka usapho olunomama owayeneeveki eziyi-39 ekhulelwe xa belahlekelwa likhaya labo eAltadena. UKaitlyn waphathela iindwendwe izinto ezinikelweyo nezinto zokuzinceda ibe usaqhubeka eqhakamshelana nenethiwekhi yakhe yababuki zindwendwe ukuze ancede abantu abangakumbi abadinga indawo yokuhlala.
UKaitlyn uthe, “Kwiveki ezimbini abantu baza kube beqhubeka nobomi babo, kodwa bona aba bantu baza kube bengekakwazi ukuqhubeka nobomi. Basadinga uncedo olukhulu.”
Amabali angakumbi aseLA
UKevin wathi, “Eyona nto ndifuna ukuyenza kukwenza intsapho yam ihlale kamnandi, ukuze ikwazi ukugqiba ukuba iza kuthini into, ukuze iqhubekeke phambili, nokuba iza kuyenza njani loo nto.”
—ULoren, undwendwe lwakwa-Airbnb.org lwaseAltadena, eCA
“Kwathi xibilili sakuziva sikhuselekile ibe sinendawo yokuya ngoxa sasingaqinisekanga ukuba kuza kuthini ngekhaya lethu.”
—UCate, undwendwe luka-Airbnb.org lwaseTopanga, eCA
Nikela namhlanje
Yonke imali ibhatalela iindawo zokuhlala
Nayiphi na imali onikela ngayo iya ngqo ekufumaneleni abantu iindawo zokuhlala ngexesha longxamiseko ngamaxesha obunzima.
UAirbnb, naye uyanikela
UAirbnb ubhatala zonke iindleko zokusebenza zika-Airbnb.org ibe akayitsali imali ebhatalelwa ukusebenzisa uAirbnb qho kubhukishwa indawo.
Iindwendwe zihlala simahla
Ababuki zindwendwe bavula amakhaya abo, abaninzi ngesaphulelo. Iminikelo inceda ukubhatalela yonke enye into.