Buka iindwendwe kwifama kuAirbnb
UAirbnb ufuna ukunceda amafama angakumbi abe yinxalenye yentsapho ka-Airbnb yababuki zindwendwe aze enze imali engakumbi kuhambo lwezolimo. Ukubuka iindwendwe kwifama kuAirbnb kwenza iindwendwe zibubone kakuhle ubomi bemihla ngemihla basefama.
Yintoni uAirbnb?
UAirbnb unceda abantu bafumane iindawo zokuhlala nezinto abanokuzenza emhlabeni wonke. Le ntsapho iqhutywa ngababuki zindwendwe, abanika iindwendwe zabo ithuba elikhethekileyo lokuziva ngathi zingabahlali bendawo ezihambele kuyo.
Kutheni ufanele ube ngumbuki zindwendwe kwa-Airbnb?
UAirbnb wenza kube lula kwaye kukhuseleke ukubuka abahambi. Kuxhomekeke kuwe ukufumaneka kwendlu yakho, amaxabiso, imithetho yekhaya, nendlela osebenzisana ngayo neendwendwe.
Siyakuxhasa
Ukuze sigcine wena, ikhaya lakho, kunye nezinto zakho zikhuselekile, singabhatalela ukubhukisha ngakunye i$1M yeedola zaseMerika ngenxa yokonakaliswa kwendlu kunye nenye i$1M yeedola zaseMerika yeinshorensi yokubhatalela iingozi.
Ukubuka iindwendwe ngamanyathelo ayi-3
Faka indawo yakho simahla
Yabelana ngayo nayiphi na indawo ngaphandle kokubhatalela ukubhalisa, ukusuka kwindlu engasemva ukuya kuvimba, nangezinye.
Khetha indlela ofuna ukuzibuka ngayo iindwendwe
Khetha ixesha elikufaneleyo, amaxabiso nezinto ozifunayo kwiindwendwe. Sikho ukuze sikuncede.
Yamkela undwendwe lwakho lokuqala
Xa indlu yakho ivela, iindwendwe ezifanelekayo zinokuqhakamshelana nawe. Unokuzithumelela umyalezo ubuze nantoni na ngaphambi kokuba zifike.
Sikulungiselele
Siyazi ukuba kubaluleke kakhulu ukubathemba abantu abahlala kwindawo yakho. UAirbnb uyakuvumela ukuba ubeke izinto ezifunekayo ezingqongqo kubantu abanokubhukisha uze ubazi bhetele ngaphambi kokuba bahlale.
Kodwa ke, ukuba ikhona into evelayo, sikunye nawe. Ukususela kwi$1M yokukhusela xa inokonakaliswa idlu, ukuya kwiinkonzo ezifumaneka emini nasebusuku ehlabathini lonke, uhlala uncedwa njengombuki zindwendwe.
Ukubhatalwa kwenziwe kwalula
Biza ixabiso olifunayo
Usoloko ulikhetha ngokwakho ixabiso lakho. Ufuna uncedo? Sinezixhobo zokukunceda uthelekise izinga lokufunwa kwezindlu ekuhlaleni.
Bhatala imali ephantsi
Akubhatalelwa ukubhalisa. Ngokuqhelekileyo uAirbnb ubhatalisa ababuki zindwendwe i-3% ngokubhukishwa ngakunye, ibe elo lelinye lamaxabiso aphantsi xa kuthelekiswa namanye kule makethi.
Bhatalwa ngokukhawuleza
Emva kokuba undwendwe lubhalisele ukungena, sinokukuthumelela imali yakho ngoPaypal, ngebhanki okanye ngezinye iindlela ezifumanekayo.
Iimpendulo zemibuzo yakho
Kulula ukuba ngumbuki zindwendwe wakwa-Airbnb kwiindawo ezininzi, kwaye asikubhatalisi nanini na ngokufaka indlu yakho. Iiflethi nezindlu ezipheleleyo, amagumbi abucala, izindlu ezakhiwe emithini kunye neenqaba, zindawo nje ezimbalwa ababuki zindwendwe abaye babelana ngazo kuAirbnb.
Ukuze ufumane iinkcukacha ezingakumbi ngoko kulindelekileyo kubabuki zindwendwe, jonga imilinganiselo yentsapho ka-Airbnb, engokhuseleko, ukuthembeka nobubele, zinto ezo ezenza ababuki zindwendwe banconywe kakhulu zindwendwe.
Sicela wonke umntu osebenzisa uAirbnb asinike iinkcukacha ezimbalwa ngaphambi kokuba abhukishe uhambo. Iindwendwe kufuneka ziyifake yonke le nkcazelo ngaphambi kokuba zenze izicelo zokubhukisha. Le nkcazelo ikunceda wazi ukuba ulindele bani, nendlela yokunxibelelana nondwendwe.
Izinto ezifunwa nguAirbnb kwiindwendwe ziquka: • Igama elipheleleyo • Idilesi yeimeyile • Inombolo yefowuni eqinisekisiweyo • Umyalezo wokuzazisa Ukuvumelana neMithetho Yekhaya lakho Iinkcukacha zokubhatala
Kulindeleke ukuba iindwendwe zibe nefoto yazo kwiiprofayile zazo, kodwa akunyanzelekanga. Usenokufuna ukuba iindwendwe zikunike isazisi ngaphambi kokuba zibhukishe indawo yakho.
Ukubhalisa kuAirbnb nokupapasha indlu yakho akubhatalelwa.
Wakuba ubhukishiwe, sitsala imali oyibhatalela ukusebenzisa uAirbnb, ngokuqhelekileyo i-3% ukwenzela iindleko zeshishini.
Ngesiqinisekiso Sokubuyiselwa Okulahekileyo sakwa-Airbnb, umbuki zindwendwe angabhatalwa ukuya kutsho kwi$1 000 000 ngenxa yomonakalo kwindlu efakwe kwesi siqinisekiso xa undwendwe luthe kwiimeko ezingafane zenzeke, lwenze umonakalo ongaphezu kwemali yediphozithi okanye ingekho kwaukubakho idiphozithi.
Le nkqubo Yesiqinisekiso Sokubuyiselwa Okulahlekileyo ayibhataleli ukumoshakalelwa okanye ukulahlekelwa yimali nezahlulo, izinto zexabiso eziqokelelweyo, imizobo enqabileyo, ijuwelari, izilwanyana zasekhaya okanye amatyala akho. Sicebisa ukuba ababuki zindwendwe bazikhusele okanye bazisuse izinto zabo zexabiso xa beqeshisa ngendawo yabo. Kwakhona le nkqubo ayibhataleli ukulahlekelwa okanye umonakalo obangelwa kukusetyenziswa okuqhelekileyo kwendawo.
Funda okungakumbi ngeSiqinisekiso Sokubuyiselwa Okulahlekileyo kule webhusayithi http://airbnb.com/guarantee
Ixabiso olibekayo kwindlu yakho lixhomekeke kuwe. Ukuze ukwazi ukukhetha, unokukhangela iindawo ezifana neyakho kwisixeko okanye kwindawo okuyo ukuze ubone ukuba athini amaxabiso.
Imali Eyongezelelekileyo • Imali yokucoca: Unokuyiquka imali yokucoca kwimali yosuku ngalunye okanye uyifake kwiisetingi zamaxabiso. • Enye imali ebhatalwayo: Ukuze ubhatalise imali engakumbi kule yosuku (njengemali yokungena emva kwexesha okanye eyesilwanyana sasekhaya), kufuneka uqale uzichazele iindwendwe ngaphambi kokuba zibhukishe, ukuba kusenokufuneka le mali yongezelelekileyo uze emva koko usebenzise iZiko Lezemali lethu ukuze ucele ukubhatalwa le mali ngokukhuselekileyo.
Isixhobo esiyiNdlela Ephucukileyo Yokufikelela Kwixabiso Omawulibize sakwa-Airbnb sikwenza ukuba ubeke amaxabiso akho ukuba azenyukele okanye azehlele ngokuzenzekelayo, kuxhomekeka ukuba zifunwa kangakanani izindlu ezifana neyakho.
Isoloko inguwe olawula amaxabiso akho, ngoko ke Indlela Ephucukileyo Yokufikelela Kwixabiso Omawulibize ilawulwa zezinye iisetingi zamaxabiso ozikhethayo, ibe ungakwazi ukuwatshintsha amaxabiso osuku nanini na.
Indlela Ephucukileyo Yokufikelela Kwixabiso Omawulibize ixhomekeke kuhlobo lwendlu nendawo ekuyo, ixesha lonyaka, ukufunwa kwayo, nezinye izinto (njengamatheko aye abekho ekuhlaleni).
Ungoyena mntu uyaziyo ifama yakho ibe kubalulekile ukwazisa iindwendwe zakho ngazo naziphi na iingozi ezisenokubakho. Kufuneka ucacise kakuhle ukuba zeziphi iindawo kwifama yakho iindwendwe ezingavumelekanga ukuba zingene kuzo nazo naziphi na ezinye izinto ekufuneka zizenze ukuze zikhuseleke zize zihloniphe ifama yakho xa zilapho. UAirbnb unayo nemithetho ngezilwanyana ezisenokuba yingozi.
Funda okungakumbi: https://www.airbnb.com.au/help/article/2135/what-are-airbnbs-rules-about-potentially-dangerous-animals
Siye senza iphepha Lokubuka Iindwendwe Ngenkathalo ukuze sincede ababuki zindwendwe bakwa-Airbnb baqhelane nezinto ezifunekayo kubabuki zindwendwe, bafumane ushwankathelo lwemithetho eyahlukahlukeneyo nezona zinto ekufuneka zenziwe ezichaphazela ababuki zindwendwe. Kufuneka ulandele izikhokelo zethu, njengeMigangatho yethu Yokubuka Iindwendwe, uze uqinisekise ukuba uthobela imithetho esebenzayo kwimeko nakwindawo yakho.
Funda okungakumbi: https://www.airbnb.com.au/help/article/1377/responsible-hosting-in-australia
Isiqinisekiso Sokubuyiselwa Okulahlekileyo sakwa-Airbnb, I-inshorensi Yokukhusela Umnikazi Wendawo yakwa-Airbnb neInshorensi Yokuzonwabisa yakwa-Airbnb iyakukhusela kumonakalo owenziweyo okanye owenziwe nguwe oqukiweyo. Sekunjalo, ezi inshorensi azithathi indawo yeinshorensi yomnikazi wendlu, i-inshorensi yabantu abaqeshileyo okanye eyomonakalo efunekayo. Kusenokufuneka ube nazo nezinye ii-inshorensi ezifunekayo. Umele usebenzisane nommeli okanye inkampani yakho yeinshorensi ukuze wazi ukuba zeziphi izinto ezifunekayo, ezingaqukwanga neziqukiweyo ezifunekayo kwimeko yakho.
Iziko Lezinto Eziluncedo lakwa-Airbnb yindawo yokufumana inkcazelo entsha evela kuAirbnb, amanqaku aluncedo nezikhokelo zokubuka iindwendwe.
Funda okungakumbi: https://www.airbnb.com.au/resources/hosting-homes
Iziko Lezinto Eziluncedo Zezinto Ezinokonwatyelwa lakwa-Airbnb yindawo yezixhobo zokukunceda ubuke iindwendwe Kwinto yakho Enokonwatyelwa ngempumelelo.
Iziko Loncedo lakwa-Airbnb yindawo yokufumana uncedo nenkcazelo ngokubhukisha kwakho, iakhawunti, indlu, ukuqhakamshelana neendwendwe nokunye.
Funda okungakumbi: https://www.airbnb.com.au/help/home
Ready to earn?
Ready to earn?